首頁 arrow 綠色短評 arrow 台灣人啊,你敢bē煩惱?

台灣人啊,你敢bē煩惱? PDF Print E-mail
Written by 李南衡   
Friday, 14 December 2012
台灣青年氣候聯盟理事長張良伊,頂禮拜佇聯合國氣候變遷綱要公約締約國大會頂面,嬴過各國推派的十二名青年代表,當選聯合國組織官方青年代表,成作台灣第一位進入聯合國下面所設的青年非政府組織(NGO)代表。咱應該足歡喜才tio̍hm̄-koh聽外交部官員透露,張良伊是用“Taiwan, Province of China”也就是用:「台灣,中國的一省」名義參選的,外交部官員講:「以中國的一省的名義,就是選嬴,外交部無可能替伊大大宣傳。」真佳哉,chit遍咱外交部猶有堅守原則,有顧tio̍h台灣上起碼的立場。

 

負責聯合國氣候變遷綱要公約(UNFCCC)業務的外交部條約司副司長梁光中講:聯合國官方組織下的青年非政府組織,今年選出「北半球」kah「南半球」兩個代表,北半球代表已開發國家,南半球代表開發中國家,張良伊是用中國的一省名義參選,hông歸類作南半球代表。

 

梁光中副司長講,外交部事後才發現chit-ê代誌,伊講張良伊事後有向外交部表示「真後悔」,是為tio̍h爭取中國青年人的選票,最後一刻才只好選擇用「中國的一省」去參選。梁副司長講,外交部支持青年人參與國際活動,但是希望國人會tàng kah國家的立場一致,捍衛國家主權,才會tàng凝聚上大的能量。

但是,十二月十二,張良伊有回應講,過去用台灣青年身分去參加會議攏受中國施壓,今年才會決定用「台灣,中國的一省」代表的身分參選,純粹是策略運用,並無像外交部所講的有「後悔」的問題,代表團是beh爭取實質參與的權利,處理環保的議題,「阮beh處理的是政治問題。」

 

Ùi chit件代誌咱會tàng koh khah清楚看出,馬英九直直tōe中國喝「九二共識」、完全無管中國干單堅持「一中」,是馬英九家己teh「各表」,戇kah bē 扒癢,佇國際舞台上出在中國搧嘴phóe,連青年非政府組織(NGOmā m̄放你煞。

 

咱看chit位青年的想法講法,那會kah咱一般台灣人所想的差hiah濟?第一,伊講「阮beh處理的是政治問題。」,伊敢有影知「台灣」kah「台灣,中國的一省」的差別根本就是「政治問題」?第二,伊若無競選作「南半球代表」,敢tio̍h無法度出聲發言?第三,台灣是佇南半球,伊憑啥物作南半球的代表?第四,台灣敢是開發中國家?若是,伊有啥資格代表開發中國家發言?但是咱看chit位二四歲、台灣大學解剖學kah細胞生物學研究所碩士、擔任台灣青年氣候聯盟理事長的張良伊,為tio̍h當選chit-ê組織的南半球代表,會tàng放梀國家的名kah國家的尊嚴。想tio̍h台灣的前途,台灣人啊,你敢煩惱?

 
< Prev   Next >