首頁 arrow 綠色短評 arrow 馬英九上新版的白賊話

馬英九上新版的白賊話 PDF Print E-mail
Written by 李南衡   
Friday, 28 December 2012
十二月二六,馬英九總統佇國軍將官晋升典禮致詞的時指出,台灣海峽兩岸的關係是一種特殊的關係。

 

伊講chit點咱無意見。伊講:兩岸是國kah國的關係。Chit點當然有問題,借問一下,若是國kah國的關係,到底是啥物kah啥物關係?最近聽講咱的幫交國宏都拉斯 (Honduras) kah北京有互動,台灣真緊張。宏國總統洛沃 (Porfirio Lobo Sosa) tī十二月二十表示,宏國beh佇中國設立商務代表處,作為全面外交關係的一步。伊講:二一世紀,使認為beh擴大kah一個國家的關係,意思就是beh kah另外一個國家作敵。伊chit段話有講tio̍h兩項代誌:第一,伊講「使認為beh擴大kah一個國家的關係,意思就是beh kah另外一個國家作敵。」伊台灣認定作一個國家,mā kā中國認定作一個國家,明明就是「國kah國的關係」,馬英九硬beh是,白賊講到外國去,無人愛信。十二月十七,台灣外交部次長柯森耀表示,咱無反對友邦kah中國大陸加強經貿,但是無希望互相設辦事處。假使宏國外交部若問講,十二月二六,恁馬英九總統講,未來三年外的任期中,兩岸兩會會互設辦事機構。恁台灣kah中國beh互相設辦事處,憑啥物反對阮kah中國互相設辦事處咧?你馬英九hông tū一下,m̄-to̍h大嘴開開?第二,馬英九總統講,台灣kah大陸chit種「互不承認主權、互不否認治權」,chit-ê關係的定位經過三位總統以來攏無改變。大白賊!目睭金金人傷重mā mài hiah呢錯亂!逐個攏知影,擔任第一任民選總統、任內大力推動民主化的阿輝伯,對兩岸上重要的定位是:「特殊國kah國的關係」;第二任民選總統阿扁定位koh khah清楚:「一旁一國」,in兩位總統tio̍h是按呢,才會͘中國hit旁的領導者氣到牙歪去,͘兩岸的關係陷入停頓的階段,中國頭人m̄-nā堅決反對前後兩位總統的講法kah作法,甚至文攻武嚇逐項來。一直到馬英九kah中國做夥講白賊,講彼號根本無的「九二共識」,「一中各表」其實是中國主張「一中」,「各表」是台灣家己講的,按呢中國才無koh繼續修理台灣;明明是干單馬英九一個人直直偏過hit旁,那會講經過三位總統以來攏無改變咧?第三,馬英九總統就任以後喝出「外交休兵」,表面上看起來那像有影,事實上是連國名都賣掉,上明顯的例是台灣定位作「中國台灣省」,才允准台灣參加世界衛生大會WHA(m̄是世界衛生組織WHO);最近的例是十二月咱台灣青年張良伊是以「中國台灣省」的名才會得加入聯合國氣候變化公約的非政府組織作南半球代表。按呢算作啥物外交休兵?Che mā是馬英九2012年底上新版的白賊話。

 

beh2013年每日上新版馬英九的白賊話,請認真看報紙電視聽la-jí-oh

Last Updated ( Friday, 11 January 2013 )
 
< Prev   Next >