首頁 arrow 綠色短評 arrow 做人m7-thang傷CNN

做人m7-thang傷CNN PDF Print E-mail
Thursday, 24 April 2008
中國e5國內新聞自由按怎受制限、新聞工作者怎樣受迫害,中國e5新聞自由ti7世界一百八十幾國中間,排ti7 ui3尾溜算倒轉來頭仔名,chia e5對廣大中國人來講,那像攏無要緊,ma7有可能是因為已經慣勢ah煞無感覺嚴重。但是若有人講tioh8中國任何一塊土地,甚至連咱自了都m7曾hou7中華人民共和國統治過一工e5台灣,in ma7攏講台灣自古就是中國不可分割神聖領土e5一部分。若講tioh8這,真濟中國人及媒體,大漢民族主義e5精神就夯頭、愈夯愈懸 大中國主義e5情緒就chheng3懸,chheng3到掠be7 tiau5!民族主義情緒提來團結內部,可能有效果。不過,按呢落去是真危險e5代誌,會hou7真濟人喪失自我批評e5立場,而且khah嚴重e5是會脫離tioh8及m7 tioh8、是及非e5清楚判斷,頭殼底干單chhun對敵及朋友nia7-nia7。   三月,中國武力鎮壓西藏人和平示威煞造成暴亂,引起全世界e5人不平。中國政府趕緊ka7所有外國媒體記者趕離開西藏及周圍e5所在,西方記者提會tioh8 e5只有中國官方所發e5消息及畫面,hou7 in 無法度得tioh8第一手資料來做報導,致使西方新聞媒體加減有報一寡內容無經過證實、抑是新聞來源有問題e5新聞,引起中國政府及人民大受氣!   中國有人隨時設「反CNN」「反BBC」網站,來反制、批判、修理這兩個世界級e5新聞媒體。當然,若是新聞媒體烏白報,無管伊是to2一國、啥物級e5媒體,hou7人批判、修理、攻擊是in家己做得來e5,be7 tang3怪啥人!問題是中國一向限制新聞自由,致使中國人對歸個新聞報導e5過程無真瞭解,ti7中國官方媒體點火搧風之下,就會兇狂來反對西方e5新聞媒體報導。   最近有中國人編寫一首歌《做人m7 thang傷CNN》,ti7網路頂面流傳,相當受中國人e5歡迎。歌詞內底有幾句是按呢唱e5:「CNN講到誠正經、講到敢掛保證,講一切真相攏ti7內底,我漸漸發現,這竟然是欺騙!、、、m7 thang想講重複千遍,白賊就會變作箴言。」其實chia e5話ma7真適合唱hou7台灣一寡媒體來聽,無論是報紙雜誌抑是電台電視。   Hou7我koh想tioh8一項代誌,中國人會使用大漢人主義抑是大中國主義e5觀點及立場,來反西方媒體e5新聞報導。西藏人敢be7使用西藏人e5觀點及立場來反大中國、大漢人主義咧?仝chit首歌,西藏人是m7是會使內容mai3改、干單ka7「CNN」換作「中國」,歌名變作《做人m7 thang傷中國》來唱咧!m7知中國人聽了會有啥物感想?
 
< Prev   Next >