首頁 arrow 綠色短評 arrow 反媒體壟斷反到美國的林庭安,猛!

反媒體壟斷反到美國的林庭安,猛! PDF 列印 E-mail
發表者 李南衡   
2013/01/11, Friday
2012年十二月三十一日暗時,超過一千五百名的公民kah學生佇台北市自由廣場聚集,為tio̍h抗議媒體壟斷守夜,咱深深kā in說謝。「九0一反媒體壟斷聯盟」一波一波無停進行抗爭活動,發動一人一通電話拍͘立法委員修法,馬英九若mài反起反倒,反媒體壟斷真有可能會立法通過。咱深深kā in說謝。

 

無人想會到,tī chit-ê時陣有一位咱台灣查某囝仔林庭安佇美國拼kah足出色,佇伊面冊頂面寫伊拚勢的經過kah成果,轟動海外kah台灣。

 

目前猶佇陽明大學心智哲學研究所碩士班讀冊的林庭安,聖誕節去美國參加學術訪問的時,利用時間去拜訪世界級的美國哲學家、語言學家 Chomsky

(chhóm-skí)台灣現此時面臨的處境講͘ chit位八十五歲、MIT榮譽退休教授瞭解,chit位老先e一生上反對政府抑是大企業控制媒體、用in龐大的資源來操控輿論kah社會共識,ùi 1960年代以來,伊一直iah美國政府的錯誤,像講美國政府支援印尼迫害東帝汶等等,莫怪伊會hông阿老是「美國人的良心」、「世界top的公共知識份子」。伊關心媒體的獨立性,伊有一本著作叫作《媒體控制》tio̍hteh討論chit-ê主題,任何所在有人反媒體壟斷,伊當然攏贊成,聽講台灣tng teh拚「反媒體壟斷運動」,伊歡喜接受林庭安小姐的建議,雙手扶一塊紙牌͘林小姐翕相,伊知影紙牌頂面寫:「反媒體壟斷」五大字漢字的意思,因為下面有寫一排英文字。下面猶koh有寫:「拒絕中國烏手 捍衛新聞自由」幾字以外,上下面猶有寫一排:「我佇MIT守護台灣」。伊會tàng kā老先e翕相,歡喜kah大聲喝講:「Che是我夢想實現的一工!」

按呢,林庭安小姐假那猶未夠氣,伊koh去紐約大學chhōe早前batMIT kah Chomsky同事過的哲學系教授Ned Block,聽林小姐講有chhōeChomsky、而且雙手扶一塊頂面有寫「反媒體壟斷」的紙牌͘林小姐翕相,伊表示願意支持,仝款扶hit塊紙牌͘林庭安小姐翕相,不過,林小姐有紙牌上下面hit排字改作:「我佇紐約守護台灣」。續落去林小姐koh去美國上出名的Johns Hopskin大學chhōe哲學系教授Steven Gross,伊一向關心台灣的發展,看國際媒體報導台灣反媒體壟斷運動,koh聽林小姐解說了後,伊決定聲援,chhōa林小姐做夥去哲學系館門口、伊雙手扶hit塊紙牌͘林庭安小姐翕相。林小姐講伊會繼續拜訪國際上有名的學者,堅持伊的守護台灣之旅。

別項mài講,干單有法度說服Chomsky老先e雙手扶tio̍h頂面寫「反媒體壟斷」hit塊紙牌͘伊翕相,我tio̍h大聲阿老林小姐:「猛!」

 
< 前一個   下一個 >