首頁 arrow 綠色短評 arrow 「中國因素」chit-ê毒素足恐怖!

「中國因素」chit-ê毒素足恐怖! PDF Print E-mail
Written by 李南衡   
Friday, 18 January 2013
2012年一月總統大選前,台灣一寡大企業家一個一個跳出來講in支持「九二共識」,特別是大選前一工,威盛kah宏達電的董事長王雪紅以個人名義,公開表態thīn「九二共識」,對民進黨候選人蔡英文的殺傷力上大。王雪紅強調伊珍惜目前兩岸和平kah「九二共識」。真濟人攏驚一tîo,伊那會按呢?伊敢知根本就無「九二共識」,連蘇起家己承認chit-ê名詞是伊發明的。台灣一寡大企業家kah王雪紅那有可能戇kah m̄chit項代誌?in當然知。但是人在江湖身身不由己,台灣一寡大企業家攏有事業佇中國,「食人的飯,犯人的問。」啥人敢假siáuche就是「中國因素」chit-ê毒素teh作怪。

 

《中國因素:政治透視kah經濟的互相影響》是香港學者張志楷博士用英文寫的一本冊。1997年香港「回歸」中國以後,伊利用第一手的資料紹介香港政治、社會、經濟的變化,包括伊親身觀察、採訪kah經歷,伊觀察包括中國大陸、台灣kah香港之間的變化kah影響。伊關心的是「中國因素」對chit-ê地區到底發生啥款的影響?是互相團結、互相扶持、互相認同,抑是保持獨立?

 

咱知早前「中國因素」對台灣的影響攏是外部的,像講打壓台灣的外交空間,中國開放了後,加一項台商佇中國的機會kah威脅。2008年馬英九上台作總統了後局勢大變化,台灣政府直直敧過中國hit旁,學香港kah中國簽“CEPA”,台灣tio̍hkah中國簽“CEFA”,「中國因素」大大方方進入台灣內部,che拄拄是咱台灣人上煩惱的「台灣香港化」,致使台灣的經濟愈來愈悽慘。香港人今年發動的「反國民教育運動」的先鋒是一陣中學生,胡錦濤參加香港「回歸」十五周年紀念,伊去到位都是示威的香港市民teh迎接伊,莫怪親中國的媒體會香港公民運動者戴一頂「去中國化」的大頂帽仔,che拄拄是中國頭人上擔心的「香港台灣化」。

舊年一月總統大選,有佇中國投資的台灣大企業家講in支持「九二共識」,͘咱看出「中國因素」直接影響台灣的總統大選。續落去,借媒體壟斷beh來改變拚到今仔日才有的新聞自由,中國真有可能利用「注入性行銷」的方式,「中國因素」chit-ê毒素灌入台灣人的頭殼底;而且用壟斷了的媒體假造輿論來壓迫政府官員的施政,擾亂台灣的政治秩序。

一月十三「人民火to̍h,一路唱馬」大遊行,火to̍h的二十萬人敢知影:無能的馬英九舊年會tàng當選連任總統;台灣經衰退、民生困苦;媒體若hông壟斷、台灣會變作kah中國仝款無新聞自由,攏總是「中國因素」所造成的?

 
< Prev   Next >