首頁 arrow 綠色短評 arrow 按呢猶koh teh飛!?

按呢猶koh teh飛!? PDF 列印 E-mail
發表者 李南衡   
2013/04/19, Friday
四月十五早起十點外,台北市民生國中有三十名學生佇校園內進行童子軍野炊課程,看天頂一塊物件飛落來,「pông」一聲,逐個攏驚一tiôhit塊物件落佇學校牆圍仔kah樹枒頂頭,離學生野炊的爐台一公尺niā-niā,活beh hông--死!

無意外災厄會使講是萬幸!

天頂飛落來的到底是啥?原來是:空勤總隊一台三十八年古魯so̍kUH-1H直升機ùi台北松山機場起飛,beh飛去桃園拉拉山空域進行懸度訓練,機頂有正副機長、機工長kah三名消防署特搜員。空勤總隊表示,飛五鐘了後,差不多飛到250公尺懸的時陣,組員giú開左旁機艙門準備訓練的時,艙門忽然間煞溜出去,先挵tioh機身才斜斜飛落去。直升機緊急迫降佇鶯歌鳶山堰河濱地,檢查了後才飛轉來松山機場。空勤總隊表示,當時直升機載滿油料,好佳哉艙門無挵tio̍h尾旋翼,若挵tio̍h,直升機一定會落(kak)落(lo̍h)去市區爆炸,機頂的六條命隱死無活免講,koh m̄知會連累偌濟無辜的民眾死傷。原來咱台北市民的安全,是完全靠天公保庇,才萬幸無代誌。

空勤總隊UH-1H直升機是三十外年前美軍佇越南戰爭時的主力機種,台灣的航發中心kah美國技術合作之下攏總有生產118台,分撥͘陸軍航空特戰指揮部kah空勤總隊使用。三十外年來空難事故一再發生,像講2007年陸航特的仝型機佇高雄中寮山區挵tio̍h電塔,機頂八個人全部無命;2009年莫拉克風颱,一台仝型直升機佇救難的時落落來,造成機組人員三個人死亡。因為原產公司已經無koh生產零件,台灣需要的零件攏是ùi美國舊機拆落來的,致使chit種直升機故障率kah失事率特別懸。͘咱想曉的是,chit款自身難保的救難直升機猶koh teh飛、猶koh teh出任務。

khah煩惱的是,四月十五早起機艙門ùi天頂飛落來hit台直升機,機頂的正駕駛副駕駛,完全知影hit片門那會飛落去、mā m̄ tang時、佇叨位、按怎飛落去的。實在是有夠麻痺!

馬英九政權那像hit台虛lè-lè、散phún-phún的直升機,已經bē tàng用螺絲lēng去來形容ah!馬英九的滿意度已經落到13%,伊猶知那會落、mā m̄ tang時、佇叨位、按怎落落去的。猶koh bē見笑講是因為伊拚改革,人民對伊的滿意度才會落到13% peh bē起來,按呢敢是講伊的「改革」是反民意的?

馬英九chiah呢麻痺的政權猶teh統治咱,親像hit台虛lè-lè、散phún-phún的直升機猶koh teh飛,Che才是台灣人的悲哀!

※週一8點整、13點整、17點整於電台播出。

 
< 前一個   下一個 >