首頁 arrow 綠色短評 arrow 唱落去,讚lah!

唱落去,讚lah! PDF Print E-mail
Written by 李南衡   
Friday, 24 May 2013
五月二二下晡公布第二四屆金曲獎入圍名單,͘咱歡喜的是,久長以來一直關心環境kah社會正義,koh參與各種活動的歌手kah團體,chit遍有幾位入圍。

 

由陳昇kah黃連煜合作今年三0九反核大遊行主題歌〈應該是柴油的〉,入圍年度最佳歌曲。in唱講:「明明是柴油的,騙咱是原子爐。/若是tú-tio̍h熱天,伊就會假鬼假怪,講是無原子爐台灣會無電。/原子爐若破去,你我變成麵線糊。/阮叔公無讀冊,人伊知影寶島tio̍h愛顧,khah嬴恁讀到博士抑是哈佛。」in兩個象徵核廢料的一丸物件你踢͘我、我踢͘你。In唱講:「倒來倒去,倒佇hit-ê衰尾的蘭嶼,/三歲囝仔知影he是毒土。/若是hiah呢妥當,就囥佇總統府。/車諾比啊車諾比,三十萬年以後才會tàng轉去。」最後字幕拍出:「經世界核能協會(WNA)調查全球31座運轉中上危險的核反應爐,台灣6座攏上榜,因為攏佇高活動斷層。」表面上in兩個人那像 kong tè siáu,但是咱聽了實在是笑出來,koh會感覺小可悲哀。

熱心聲援各種環保議題的張懸小姐,伊m̄-nā唱歌,佇伊的「面冊」頂面向歌迷紹介白海豚認股、中科四期、反核、反美麗灣、反媒體壟斷等議題。Chit遍伊的〈玫塊色的你〉入圍年度最佳歌曲。

 

唱一首〈官逼民反〉大出名的「拷秋勤」樂團,chit遍入圍最佳台語專輯獎。其實in早前tio̍h有兩遍入圍金曲獎最佳樂團,舊年發行的專輯〈發生啥代誌?〉是批判了足hiamtio̍h味。Chit遍的專輯中有收〈記憶盆地〉講台北城的故事,〈phú色的海岸線〉講海洋污染kah海岸開發所造成的永久傷害。

tio̍h守護土地出聲的舒米(Suming)、達卡鬧(Dakanow)、桑布伊(Sangpuy)三人攏入圍「最佳原住民語專輯獎」kah「最佳原住民語歌手獎」。舒米的專輯〈阿米斯〉唱講:「mài佇都蘭的土地頂面凊采講你愛我。」伊teh策劃「阿米斯音樂節」,藉部落居民的力量來辦活動,用行動證明東海岸無需要財團來,猶原會tàng充滿特色kah活力。年初,達卡蘭的〈吹過島嶼的風〉入圍美國葛萊美獎,伊chit遍的專輯〈斜坡〉入圍,伊為tio̍h守護東海岸,擔任的「反反反行動聯盟」總

策劃。桑布伊的歌聲足特別,人講是「受tio̍h祖靈特別祝福kah眷顧」,伊除了頂面講的兩個獎入圍,另外伊入圍最佳新人獎、最佳編曲人獎kah最佳專輯製作人獎。目前伊為tio̍h部落面臨祖墳遷葬的事件tehchông

咱看tio̍htio̍h chit塊土地唱出人民心聲的歌手kah樂團,會tàng入圍金曲獎提名,kā in恭喜kah祝福。大聲喝講:唱落去,讚lah

※週一8點整、13點整、17點整於電台播出。

 
< Prev   Next >