首頁 arrow 綠色短評 arrow 食安全,來雲林!

食安全,來雲林! PDF 列印 E-mail
發表者 李南衡   
2013/06/21, Friday
食品危機連環piak,今年piak出的「毒澱粉事件」,是不肖廠商工業用的「順丁烯二酸」滲落去食用粉內底,增加伊的qiū度。m̄-nā害死幾間大廠商tio̍h kā布丁、卵卷冰淇淋、寒天等七八種產品攏收回,koh khah悽慘的是拖累tio̍h一大片台灣出名的點心業,親像粉圓、烏輪、水晶餃、番薯圓、肉圓、貢丸、米粉等等,致使原本專工來台灣beh食好食物的觀光客一個月減少三十萬人。

 

chit種工業原料原本tio̍h m̄͘人食的,人若食會損害tio̍h腰子。莫怪台灣洗腰子的人全世界第一濟,Chit種不法的生理人實在真可惡!悲哀的是,不幸的台灣人猶kohtio̍h無能的政府,續落去kohtio̍h白癡的副總統講:你若驚有毒,màitio̍h好!副總統啊,拜託你阮小百姓指點一下,到底叼一種食品有毒叼一種無毒。阮小百姓上蓋卑微的要求干單希望政府͘阮食tio̍htàng安心食的食物,按呢敢有過分?中央政府無管咱的死活,咱小百姓beh按怎才好咧!已經行到「beh哭無目屎」的地步。

好佳哉,雲林縣政府為tio̍h確保食物「ùi田裡到食飯桌頂」的安全,beh hō͘雲林縣民一個「食安全」的消費環境,六月十七早起,雲林縣衛生局佇縣內各大量販店設置「食材來源安全」看板,͘消費者足清楚知影伊所食的各種食材有安全。安全標章是經過衛生單位審核合格了後才發的,消費者會tàng透過手機仔掃描食材包裝頂面的“QR Code”(包裝頂面有一個四四角角烏白兩色的標仔,內底三個角落有印「回」字的圖案、中央四角烏的,是一種快速反應的二維條碼。)隨時會tàng知影hit種菜蔬的生產履歷,也就是生產者、栽種用藥、肥料的種類kah時間等資料。雲林縣今年kah農民契約生產的菜蔬預定有六十種。

蘇治芬縣長出席記者會的時,看tio̍h家樂福現場所排出來的菜蔬水果,猶有一寡是國外進口的,伊隨時送一本紹介縣內有機農業的冊͘家樂福何經理,希望家樂福會tàng減少運輸的路程盡量照顧雲林農民,賣khah濟雲林的優質農產品。蘇縣長講,若beh食有安全、食會安心,消費者的力量真要緊,消費者若關心注意每一種食物的履歷,一寡食品的生產者佇生產過程中會感覺有壓力、tio̍hkoh khah用心注意食品的安全性。雲林縣衛生局長吳昭軍講,「食在安全標章」先佇量販店、大賣場kah超級市場實施,將來beh擴大到縣內所有的餐飲業、烘焙業、冷飲業到早餐店。

kah chiah呢周全,莫怪蘇治芬縣長敢大聲講,伊beh打造一個「食安全,來雲林」的消費環境!

※週一8點整、13點整、17點整於電台播出。

 
< 前一個   下一個 >