首頁 arrow 綠色短評 arrow 立法院險險仔hông閹去!

立法院險險仔hông閹去! PDF 列印 E-mail
發表者 李南衡   
2013/06/28, Friday
民進、台聯、親民三個黨團不滿馬政府kah中國簽署「兩岸服務貿易協議」,大大損害tio̍h台灣的利益,beh強力抗爭杯葛議事;中國國民黨黨團拍算beh動員備戰。六月二五透早,在野三黨立委拚去議場門口,無疑誤中國國民黨立委koh khah早到,大門一下開tio̍h去霸佔主席台。在野三黨立委只好不斷突圍,進行攻防大戰。有人起腳動手,有人開嘴相罵,有人挨來捒去,有人冤家相拍,鬧熱滾滾。舞一早起到中晝,朝野協商才達成共識:「兩岸服務貿易協議本文應該經立法院一條一條審查、表決,協議特定承諾表應該一項一項審查、表決,使全案包裹表決,無經過立法院實質審查通過,bē-tàng啟動生效條款。」

隔工六月二六,馬英九總統派一個細漢ê-行政院陸委會,夯一支利刀beh來閹立法院。Hit支利刀名叫作「海峽兩岸服務貿易協議-立法院處理程序建議」,內容講:立法院欠缺審查兩岸協議的相關程序kah議事規定,干單會使參考過去審查對外條約WTOECFA等前例,因為兩岸協議案性質接近涉外條約,委員會審查的時雖然會使一條一條討論,但是院會干單會tàng作全案「准」kah「不准」的決定,使對個別條文進行內容修正抑是表決。馬總統看hit-ê細漢ê那像無夠力,派海基會副董事長兼秘書長高孔廉緊chhī倚去唱聲講:若修改條文,等於廢除chit-ê協議。講明的tio̍h是一定beh動刀閹立法院。

問題是立法院敢有beh乖乖͘馬總統派來的人隨便閹掉?

會記得2012年十月十五,六十五歲的閹雞達人、閹過歸百萬隻雞仔的楊盛福͘抗議人士chhōa去教育部門口,當場表演閹雞術,卵核仔giap出來、無幾十秒tio̍h閹一隻雞。抗議人士講beh kā卵核仔送͘ hit當時的教育部長吳清基,希望吳部長做代誌愛有LP

仝款的道理,馬總統叫人來免幾十秒tio̍htàng kā立法院閹掉。立法院長王金平chit͘ 咱看出伊確實有LP,而且伊無愛hông閹掉,伊講:立法院beh按怎審查無行政院的代誌。中國國民黨的黨鞭講,未來雖然會隨條討論、表決,最後tio̍h「全案表決」,無可能͘在野黨隨條修正。哀ia̍h-ia̍h,一個查甫人甘願「核仔」hông閹掉,干單有「鞭」beh創啥?好佳哉有真濟立法委員認為立法院就是beh監督行政院,審查議案是國會的職權,無人會tàng叫咱按怎審查咱ti̍ioh按怎審查!萬不幸行政院的一個單位佇外口烏白kah人協議亂簽,咱tio̍h照收不誤?真濟立法委員講,阮會照自主的原則一條一條、一項一項來審查。

緊張緊張緊張,chit遍立法院險險仔hông閹去!

 

 

※週一8點整、13點整、17點整於電台播出。

 
< 前一個   下一個 >