首頁 arrow 綠色短評 arrow 馬政府比土匪khah害!

馬政府比土匪khah害! PDF 列印 E-mail
發表者 李南衡   
2013/07/26, Friday
全世界正常的人無人會好好田改作工業區,會kā teh beh收成的稻田lu-lu掉,會人好好的厝拆掉,馬英九的愛將苗栗縣長劉政鴻to̍h是按呢做。

 

俗語話講:「盜也有道」,做土匪的有伊的規矩。第一,講出tio̍h是話,koh khah困難伊mā-tio̍h照約來行。三年前總統大選前,當時的行政院長吳敦義有召集內政部長江宜樺、苗栗縣長劉政鴻、大埔農民代表kah政大地政系教授徐世榮參加協調,最後吳敦義行政院長做出「大埔原屋原地保留、農田集中劃設歸還」的承諾,m̄-nā白紙寫烏字、koh有錄音存證。今年苗栗縣長決定beh拆掉留落來的四戶,行政院發言人鄭麗文煞烏白講,「原屋原地保留」有四個前提,就是tio̍h符合交通、公共安全、公平性及都市計劃合理性。苗栗縣政府認為這四戶無合以上前提,所以下令拆除。連土匪mā bē講話無算話、mā bē kā無的代誌講作有。第二,受難戶彭秀春講苗栗縣政府根本tio̍h是土匪,「明明官司猶teh拍,權狀佇我的手,政府竟然用七十萬我的厝賣掉。假使我若beh繼續住chiatio̍h koh kā伊買倒轉來。世間那有chit種代誌?」chit-ê政府驚你知伊是土匪。七月初四,副總統吳敦義講,beh hông拆除的四戶並無道德上kah法律上的問題,現在大埔農地的爭議猶佇高等行政法院訴訟中,「所以根本使拆!」koh hō͘咱看出馬政府的第二號頭人講話那放屁!若無馬英九tìm頭、劉政鴻那敢拆?

 

七月十八,大埔自救會等團體北上行政院抗議,縣府開始拆厝,警方為tio̍h掩飾強拆行動竟然坐民間遊覽車去大埔拆厝。四戶厝hông拆除的隔日,劉政鴻縣長表示趁大埔自救會北上人少進行拆除是「天賜良機」,chit種行為那賊仔咧、無sêng土匪。拆厝hit工,苗栗縣政府派六百名警員到現場,害阮想攏無,是按怎咱tio̍h納稅金飼hiah濟警察去替政府做土匪的代誌?

͘人不平的是,苗栗縣政府趁主人去台北請願無佇厝裡,強強烏白拆掉張藥房等四戶的厝、厝內底的物件舞舞歹去,毀掉人的家園,koh beh向彭秀春討拆遷費二四萬,chiah-ê錢拄拄是土地徵收補償金二四萬。土匪chiah呢可惡,那像用銃人彈死,koh叫受害者家屬tio̍h付出銃子錢!

七月二四,大埔hông強拆hit四戶、台灣農村陣線、大學生kah教授佇Ketagalan大道開記者會,大聲喝:「今仔日拆大埔,明仔載拆政府!」要求政府道歉賠償、地還原主、撤查苗栗縣長劉政鴻任內炒土地不法代誌、趕緊修正《土地徵收條例》,要求馬政府拆厝了一個月內回應。若無,beh號召全民做夥出來「拆除強盜政府」。信眾人團結的力量,土匪政府拆倒!

 

 

※週一8點整、13點整、17點整於電台播出。

 
< 前一個   下一個 >