首頁 arrow 綠色短評 arrow 台灣有救有望!

台灣有救有望! PDF Print E-mail
Written by 李南衡   
Friday, 09 August 2013
八月初三暗時六點開始,佇Ketagalan大道總統府門口的集會,人數濟到超過二五萬,確實͘人驚tio̍h͘主辦者「公民1985行動聯盟」驚tio̍h in七月二十早時九點佇國防部門口聚集的時,完全想到會有三萬人參加,in陳情書交͘到現場的國防部副部長楊念祖,楊副部長當面向三萬群眾保證一定會照所陳情的好好辦理。但是看tio̍h軍檢署七月三十一潦草偵結起訴的內容,hông感覺政府麻痺,「公民1985行動聯盟」請逐個koh徛出來,希望會tàng有六萬人佇總統府門口向馬英九總統抗議,當然無想tio̍h hit暗會hiah濟群眾參加。

͘軍檢署、國防部、行政院、馬英九總統大大驚tio̍h,頂遍七月二十雖然有三萬人,但是主辦者無人bat in,實在是無夠看,政府想講chhín-chhái應付一下tio̍h好,啥知in是舞真的。看新聞媒體的報導,那像愈來愈有一個款,集會人數有可能會破十萬人。害馬英九總統溜soan去阿里山bih起來。hit暗總統府門口遍地是「八月雪」,有冤情啊!害行政院江院長暗時九點半緊急召開記者會,公開承諾推軍事審判法修正案、全盤檢討軍隊人權制度等四項政策,消息傳轉去集會現場,全場大聲喝讚!其實he是幾工前佇立法院政黨協商的結果,因有軍系立委反對煞kiu的內容,那會佇二五萬群眾壓力之下,變作行政院的政策咧?

͘一向掛有色目鏡的名嘴驚tio̍h,十幾個網路的朋友會taǹg發起一個chiah大型的群眾運動,無錢作廣告、無錢倩遊覽巴士,竟然有一位大學女研究生出錢包一台遊覽巴士,引起十個人包十台遊覽巴士;無人買便當來發;無錢做白siá-chuh來發͘集會者穿,竟然引起熱心者捐出六百領白siá-chuh。有色的目鏡一下掛落去,馬上評論講一定是有綠色的政治人物暗中幫忙。In實在真塞頭,tio̍h講幾十擺:che是「公民運動」的「白衫軍」,in才聽有?照色料來講,白色就是百分之百、完全純的、無摻雜任何色;若是用光線來講,包含各種色的光線,合做夥tio̍h是白色的光。照chit遍活動的內容來看,講是白色的光比白色的色料koh khah適合。因為白色的光͘烏暗無teh bihlah-sapteh藏!

͘全台灣人民驚tio̍hkah過去任何一遍的群眾集會完全無仝,無任何政黨團體參與,無任何金主佇後壁奧援。上大的特色是現場八九成是青年人。當然是干單為tio̍h一個無熟似的洪仲秋徛出來,是為tio̍h十年來佇軍中枉死、失蹤、「被自殺」的千外位青年,是為tio̍hteh做兵抑是將來會去做兵的後生、小弟、情人、好朋友的人權安全徛出來發聲抗議。

tio̍h hiah濟青年徛出來,咱tio̍h知影台灣有救有望!

 

※週一8點整、13點整、17點整於電台播出。

 

 
< Prev   Next >