首頁 arrow 綠色短評 arrow 馬英九詐騙集團hō͘細烏食去!

馬英九詐騙集團hō͘細烏食去! PDF 列印 E-mail
發表者 李南衡   
2013/08/16, Friday
前經濟部長、經建會主委,現任總統府顧問、hông稱呼作「馬政府金頭殼」的尹啟銘博士,今年五月,接tio̍h一通電話:「爸!我出代誌ahhôngkah流血流滴,我m̄知人佇叼位!」續落去是歹徒佇電話hit頭講:「恁子kâng作保hông倒去欠八十萬。」尹啟銘乖乖照歹徒指示the̍h八十萬現金下佇指定的路邊。過無偌久電話koh tân,歹徒難得拄tio̍h chiah戇的肥羊,講koh欠四十萬利息錢。尹啟銘乖乖koh the̍h四十萬囥佇路邊͘歹徒,了後才拍電話͘teh上班的後生,人好好無代誌。伊才知影͘詐騙集團騙去,才去報警。警方根據電話通聯紀錄,今年八月初七掠tio̍h三個未滿十八歲的少年囝仔。新聞媒體議論紛紛,有人講兩岸ECFA就是尹啟銘佇經濟部長任內所規劃的,那會bē hông煩惱咧!

舊年(2012)八月十三,花蓮縣原住民縣議員笛布斯女士佇縣議會質詢的時大聲講:佇詐騙集團chiahchhàng鬚時行的台灣,事實上全台灣上蓋大的詐騙集團就是馬政府!伊講,蘇花改工程講是beh hō͘蘇花改停工;馬英九第一遍參選總統承諾四年編列五百億推動原住民事務已經跳票ah!若五年來馬政府所詐騙的攏列出來,恐驚笛布斯議員會改封馬政府是「全世界上上蓋大的詐騙集團」。

2008年一月馬英九競選總統開一張「六三三」支票,講伊若當選任內台灣每年經濟平均成長率六葩、失業率降到三葩以下、平均國民所得三萬美金。就任無半年的九月,改口供講若͘伊作八年總統tio̍h會達成。假那尹啟銘͘詐騙集團第一遍騙八十萬都已經真戇ahkoh hō͘騙第二遍四十萬,實在m̄是普通戇。台灣人͘馬英九詐騙集團騙一遍都真悽慘ah2012年猶koh有六百八十九萬一千一百三十九個戇人͘馬英九詐騙集團騙第二遍,票koh͘伊連任當選總統。

起十三年開兩千七百三十六億、koh無安全的核四廠起猶未好koh beh繼續起,是上典型的詐騙集團行為。佇全台灣反核四的聲浪中,若佇「雅虎」、「奇摩」搜索khah有名反核人士,像講劉黎兒、方儉、彭明輝等的人名,竟然會跳出經濟部「確保核安、穩健減核」網站連結。馬英九詐騙集團m̄-nā用人民納稅錢四界詐騙,而且偷用反核名人的名去作核安的宣傳。經濟部能源局承認用十萬預算向「雅虎」、「奇摩」kah Google等網站買九十二個關鍵字。會使講是用人民的血汗錢去買毒藥來洗人民的腦。但是經濟部能源局無認錯,in講並無強迫民眾進入網站。那像批准有毒的牛肉進口,講你màitio̍h無代誌,仝款可惡!

khah奇怪的是,身為馬英九詐騙集團重要成員的尹啟銘,那會͘三個未成年的詐騙集團騙百二萬咧!無人想會到馬英九詐騙集團大烏會͘細烏食去!

※週一8點整、13點整、17點整於電台播出。

最後更新 ( 2013/08/17, Saturday )
 
< 前一個   下一個 >