首頁 arrow 綠色短評 arrow 啥物才叫作非法監聽?

啥物才叫作非法監聽? PDF 列印 E-mail
發表者 李南衡   
2013/09/23, Monday
立法院長王金平涉嫌司法關說案,逐家質疑政府非法監聽。九月十八,中國國民黨主席馬英九佇in黨的中常會koh再講「我就任以後絕對無非法監聽」。伊講任何監聽票攏tio̍h法院核發,除了che以外,任何單位攏使監聽。伊就任總統就帶法務部長王清峰去各負責監聽單位視察,要求絕對使非法監聽。

 

若有影按呢,特偵組beh那有民進黨立法院總召柯建銘kah立法院長王金平的監聽資料咧?特偵組講in有法院發的對柯建銘的監聽票。He原本是beh監聽柯建銘有牽涉某一個法官貪污案亦無。特偵組監聽tio̍h柯建銘kah王金平的通電話的內容,明明kah原本申請法院批准的案件無關係,任何內容攏使the̍h來作任何人的犯罪證據,而且tio̍h銷毀。外國法界所採用的「毒樹毒果子理論」是講,有毒的樹仔所生的果子當然有毒。無論直接抑是間接違法the̍h tio̍h的監聽證據,攏無證據能力。舉一個例來講,檢察官起訴一個毒品走私犯,法官會先問講伊有啥物犯罪的證據?鐱察官當然會提出一大堆證據。法官會koh問你按怎會知影伊有犯罪的事實?檢察官應講阮長期監聽伊所以知影。法官會koh問講你敢有法官所發的監聽票?檢察官若應講無,雖然證物一堆,但是法官會隨時宣布嫌犯無罪。因為非法取得的資料攏使作證據。咱國無採用chit-ê理論。

「通訊保障kah監察法」第十八條規定「依本法監察通訊所得的資料,不得提供͘其他機關、團體或個人。」按呢咱tio̍h知八月三十風颱暗半暝,檢察總長黃世銘拚去向馬英九總統報告非法監聽的內容,當然是違法。

根據法院組織法第六十三條之一規定,特偵組會使辦的是:「涉及總統、副總統、五院院長、部會首長或上將以上階級軍職人員的貪瀆案件。」王金平有犯tio̍h啥物「貪瀆」案件?講來聽看覓!而且,特偵組佇無任何法律依據之下,竟然以新聞稿方式,公布立法院長王金平的通聯紀錄,而且推論王金平kah法務部長曾勇夫、高檢署檢察長陳守煌之間有關說情事。借問通聯紀錄ùi叼位來的?

馬英九總統無指責檢察總長黃世銘無應該洩漏秘密、而且koh越級報告,無叫伊馬上轉去都真害ah,煞講伊知影chit項代誌若無處理有「食案」的嫌疑。馬英九想講伊chit-má猶是二十年前的法務部長,完全記得伊是當今的總統。Koh提出來指責立法院長王金平,kah檢察總長黃世銘作夥犯「洩漏秘密罪」。

 

beh套馬英九講的一句話問美國哈佛大學法學博士、koh bat作過法務部長、當今的總統馬英九,「Che是知法犯法,啥物才叫作知法犯法!」「Che是非法監聽,啥物才叫作非法監聽?」

 

 

※週一8點整、13點整、17點整於電台播出。

 
< 前一個   下一個 >