首頁 arrow 綠色短評 arrow 奴才空有假貴族身分,猶原是奴才!

奴才空有假貴族身分,猶原是奴才! PDF Print E-mail
Written by 李南衡   
Friday, 27 September 2013
最近佇台灣舞kah閙熱滾滾的王金平涉嫌關說案,拆白來講就是貴族kah奴才的鬥爭。一寡台灣人想講加入中國國民黨tio̍htàng kheh入去統治階級的貴族行列,其實in佇高貴的貴族目睭中永遠是奴才。三月初十,王金平ùi馬來西亞轉來佇桃園機場發表談話,除了否認伊有關說以外,干單敢罵檢察總長黃世銘kah特偵組濫權,完全敢去磕tio̍h chit齣大戲的導演馬英九總統。伊哀父叫母講:身為中國國民黨黨員,從政chiah濟年來,攏是kah黨「共船共條命」,不離不棄。今仔日因為片面認定伊違法,錯失全黨團結的好機會,致使「執政」優勢完全失去。有夠親像乞食求討的聲喉。佇高貴的貴族頭聽起來若放屁,第二工照常開in黨的考紀會撤銷王金平中國國民黨黨籍,也就是王金平假貴族身分的外衫剥掉,͘逐個看出伊奴才的本形。伊若是無穿hit領貴族的外衫,立法委員kah立法院長身分隨時會無去,雖然王金平有提出抗告,強beh穿hit領貴族的外衫假作貴族,但是高貴的貴族頭已經下令不准伊參加任何貴族的聚會。

 

高貴的貴族頭夯刀beh斬王金平的時,另外一個穿tio̍h一領金光閃閃貴族外衫的假貴族吳伯雄有替王金平講情,chit͘人封作「榮譽黨主席」的奴才拜託貴族頭刀下留情mài一聲斬死,講三個條件:由立法院長王金平出面會失禮,王金平家己提請立法院紀律委員會懲處三個月抑是半年,來換考紀會對伊撤銷黨籍的處分。想知影,高貴的貴族頭那有可能插你奴才teh講啥咧!

中國國民黨原本預定九月二九佇台北「國父紀念館」舉辦in黨第十九次全國代表大會。由「關廠工人聯線」發起「929包圍馬英九」行動,逐個攏穿烏衫去包圍「國父紀念館」,帶破鞋去「象徵腐敗政權的破鞋khian出去」,用行動展現人民的憤怒kah力量,隨時有台大學生社團kah真濟公民團體聲援支持。中國國民黨恐驚受氣的人民會用破鞋khian馬英九的像,koh驚親像白衫軍按呢喝一聲來二十五萬人來。所以九月二四宣布「民眾的安全kah權益是國民黨上優先的考慮。」決定「十九全」beh延期koh改地點。九月二三暗,中國國民黨馬主席召開緊急會議,吳伯雄榮譽黨主席、幾個副主席kah黨內重要幹部攏有參加,宣布馬決定「十九全」延期改地點。干單一個吳伯雄反對,而且新聞報導吳伯雄講伊來開會主要是beh證實一點,伊猶未來進前tio̍h知影「十九全」beh延期,因為中國hit旁的朋友已經先伊講了,果然有影延期。但是消息見報了後,吳伯雄否認伊有講chiah-ê話。咱koh一遍看tio̍h假貴族的奴才按怎͘高貴的貴族頭裝siáu-ēmā koh一遍͘咱看出:奴才空有假貴族身分,猶原是奴才!

※週一8點整、13點整、17點整於電台播出。

 
< Prev   Next >