首頁 arrow 綠色短評 arrow 偷聽案m̄是台灣版水門事件!

偷聽案m̄是台灣版水門事件! PDF Print E-mail
Written by 李南衡   
Friday, 04 October 2013
關說案拄拄piak空變作偷聽案的九月二一,馬總統的好友、台灣駐美國代表金溥聰就向美國各界說明:關說案是台灣版水門事件。案情發展到ta,咱應該向chit位先覺者拍噗仔,伊講了足tio̍h,偷聽案的垃圾鬼是水門事件會比得!

 

1972年六月十七,設佇Washington水門旅館的民主黨總統競選總部tio̍h賊偷,Whashington郵報兩位記者發現怪怪,拚命去調查,才發現是共和黨派退休的中央情報局人員入去偷裝竊聽器,追查到源頭是美國總總統尼克森,尼克森為tio̍h阻礙調查,開除檢察總長kah特別檢察官。全國同聲譴責,逼尼克森自動落台mài kā伊起訴。美國水門事件的真相會大白,tio̍h歸功一位政府官員直直piak資料͘ hit兩位記者,為保護hitpiak資料的政府官員,稱呼伊「深嚨喉」,日後變作「piak料者」的代名詞,最近才證實伊是美國聯邦調杳局副局長Felt

八月三十一風颱暝十一點,檢察總長黃世銘拚起總統官邸,刑事案偵察中特偵組錄tio̍h立法院長王金平kah立法院民進黨總召柯建銘涉嫌司法關說的錄音kah譯文,交͘馬總統。伊根據che逼王金平tio̍h家己知影進退辭掉立法院長職務,koh再撤銷王金平的中國國民黨黨籍,͘伊失去不分區立委資格當然失去院長職位。王金平向台北地方法院提出假處分成功,中國國民黨不服上訴高等法院抗告koh輸,王金平暫時保有中國國民黨員資格。

案情發展到特偵組監聽電話有一枝「0972xxx」竟然是立法院的總機,變作偷聽八十外位立委使用電話的國會總機。美國水門事件偷錄一個黨的總統競總部的電話而已,台灣是偷錄立法院總機的電話。否認七擺才承認講白賊;監聽狀明明寫三個月強辯干單監聽一個月,偷錄一個月罪敢會khah輕?兩工the̍h一遍的錄音CD the̍h一個月攏是空白猶繼續去the̍h。騙三歲嬰仔!

黃世銘檢察總長佇立法院備詢中,家己講八月三十一暗時伊去總統官邸,第二工九月初一,總統叫伊去;伊家己koh講,九月初六以後,馬總統有拍電話͘伊。十月初二馬英九總統接受電台訪問,家己講九月初六一直到九月二八伊有拍電話͘黃世銘總長,拍幾擺?濟kah bē記得幾擺;馬總統koh家己落下頦講,八月三十一暗黃總長八點半來寓所報告關說案,差不多十點外,有叫行政院長江宜樺kah總統府副秘書長羅志強來討論chit項代誌。黃世銘總長kah馬英九總統若有犯tio̍h「洩密罪」,mā kā江宜樺、羅志強拖拖落去死,實在有夠三八。有chit款家己拚勢piak料的檢察總長kah總統,台灣偷聽案敢tio̍h啥物「深嚨喉」?

駐美代表金溥聰講:(變作偷聽案的)關說案是台灣版水門事件。無錯!

 

 

※週一8點整、13點整、17點整於電台播出。

 
< Prev   Next >