首頁 arrow 綠色短評 arrow 按呢來保護馬英九總統,你看按怎?

按呢來保護馬英九總統,你看按怎? PDF Print E-mail
Written by 李南衡   
Friday, 25 October 2013
雖然咱自早tio̍h有看過新聞報導,有一寡政治人物親像美國前總統Bush、中國前總理溫家寶、伊朗前總統Nejad、印度總理辛格、香港政務司長唐英年等等人物,攏bat hông khian過鞋仔,雖然tī 2012年十二月初十世界人權日馬英九總統佇新店景美人權文化園區tio̍h bat hông khian過鞋仔,但是一直到今年九月十八,苗栗大埔拒絕拆遷戶之一的「張藥房」頭家死佇溝底,hit暗苗栗縣長劉政鴻強beh入去捻香,͘清華大學學生陳為廷khian鞋仔khian tio̍h頭殼,khian鞋仔佇台灣才大大流行起來,對象攏是馬英九總統,無論伊去到叼位、牽鞋的人tio̍h tòe到叼位,甚至有人teh募集一萬雙鞋仔behkhian馬總統,Ùi今年九月初八到十月二五,馬總統已經hông khian過八遍鞋仔,攏總已經九遍破世界紀錄。值得注意的是十月二十,馬總統去參加「台北義民嘉年華」離場的時,有一位抱紅嬰仔的年輕媽媽向馬總統khian伊的紅鞋,一腳khiantio̍hkoh khian一腳。鞋仔khian馬總統那像已經變作台灣人的全民運動。

 

khian鞋仔是阿拉伯世界流傳真久的一種文化,表示對一個人的厭惡、憤怒。因為阿拉伯人認為腳是身軀上蓋下面、上蓋接近土的部分,穿佇腳下的鞋是上蓋無清氣的,Beh侮辱一個人tio̍h用家己的鞋底͘看。驚大人物看bē-tio̍hkhian͘看,khian tio̍h khian tio̍h無差,已經達tio̍h侮辱伊的意思。

維安人員真頭疼,馬總統去到叼位「閘鞋網」to̍h夯到叼位,以免馬總統͘臭鞋仔khian tio̍h。最近真濟警察局有去訂作懸koh大、幼koh密的「閘鞋網」,mài講鞋仔khian bē過,連雞卵、連水過。馬總統的性格若無改,經濟若拚起色,台灣民主自由若一直倒退lu,恐驚臭鞋仔khian馬總統的人減少。

前日佇網路頂面,一位筆名「水果本舖」的網友講:「其實國安局無必要費心安排hiah濟隨扈kah警察保護總統,總統beh出巡的時,kā伊囥佇一個裝有輦仔的密閉式透明的籠仔內,無管鞋仔抑是雞卵ùi叼一個方向khian來攏khianbē tio̍h、攏會tàng kā閘落來,而且總統猶會tàng佇籠仔內向逐個微微仔笑ia̍t手。」隨時引起真濟網友喝「讚!」有人回應講按呢真好,͘馬總統開始練習適應籠仔內的生活;有人講等馬總統落任了,會使直接kā hit台籠仔車lu去土城。有人講按呢會tàng省真濟製作「閘鞋網」的錢(全台灣已經有作149個「閘鞋網」)。Khah奇怪的是無人想tio̍h馬總統真愛錢,建議由隨扈捒一台車專門收錢,來參觀籠仔內馬總統收參觀費一百箍,無定tio̍htio̍h的錢會比國務機要費khah濟。

按呢來保護馬英九總統,你看按怎?

※週一8點整、13點整、17點整於電台播出。

 
< Prev   Next >