首頁 arrow 綠色短評 arrow 為台灣拍拚的律師,阮真感謝恁!

為台灣拍拚的律師,阮真感謝恁! PDF Print E-mail
Written by 李南衡   
Friday, 08 November 2013
十月二十,馬英九總統出席客家節活動的時,有一位抱tio̍h紅嬰仔的少年老母,褪掉家己的紅鞋khian馬總統,一腳khiantio̍h kohkhian一腳,差一點仔to̍h khian tio̍h。新聞播出了後,引起真濟人的欽佩kah阿老。照正常人的想法,一個總統做kah͘人民khian鞋仔,應該感覺足見笑才tio̍h,若khah明理的總統應該「閉門思過」好好檢討家己的施政,是按怎會引起人民chiah呢受氣?特別是一位抱tio̍h紅嬰仔的少年老母,會tàng看出基層人民偌呢憤怒!

 

͘khian九遍鞋仔、已經保持世界紀錄的馬英九總統,伊m̄-nā無謙卑檢討家己,報導講有部份khian鞋仔的人已經接tio̍h傳訊,叫in去說明代誌發生的經過。邱顯智律師佇伊的「面冊」頂面分享一個信息,伊講:司改會有拍電話͘全國關廠工人義務辯護律師曾威凱,問講敢有意願幫助手抱紅嬰仔馬總統khian鞋仔的hit位少年老母?曾威凱律師隨時答應。hit位少年老母來kah曾律師談完案情了後,真客氣問曾律師tio̍h偌濟費用?曾律師應講:「律師費你已經付了。當你鞋仔khian出去的時,你tio̍h已經付我律師費ah!」邱顯智律師講伊接tio̍h chit-ê消息的時,目箍tâm、嚨喉

咱知影,邱顯智是洪仲丘案洪家十幾位義務辯護律師內底的一位,伊是全國關廠工人的義務辯護律師,另外猶有顧立雄、劉繼蔚、黃帝穎、吳俊達(伊是全國關廠工人的義務辯護律師)、吳君婷、於知慶等律師,intio̍h beh為枉死的洪仲丘討回公道,tio̍h beh chhōe出真相、為tio̍h家屬、為tio̍h社會,in堅持拚勢辦案到底,絕對無beh放棄。

另外一位專門為弱勢者、為保護台灣環境義務辯護的曾順貴律師,自細漢就足愛pehkah欣賞各種鳥仔,做律師無偌久,拄拄赴tio̍h台北鳥會kah環保團體做夥成立的「生態保育聯盟」,參與「保護棲蘭檜木林」運動,自按呢投入保護台灣環境的第一線。咱攏知影台灣環保聯盟是一個散kah鬼仔beh掠去的無錢團體,in拜託詹順貴律去替台灣環保聯盟台東分會拍官司,免講he是無錢穡頭,詹律師一聲to̍h答應,為tio̍h「美麗灣度假村」案,kah台東縣政府聘請的兩位律師、大財團聘請國內規模上大的理律律師事務所三位律師對siah,結果伊拍嬴公民訴訟實施以來頭一件勝訴。苗栗大埔拒遷戶叫天天應的情況之下,詹律師徛出來替in出庭辯護;另外伊接受台灣農村陣線委託,作in的義務辯護律師,寫訴狀控告苗栗縣長貪贓枉法的各種弊案。

為台灣拍拚的律師,阮真感謝恁!

 

 

※週一8點整、13點整、17點整於電台播出。

 
< Prev   Next >