首頁 arrow 綠色短評 arrow 好厲害的劉政池!

好厲害的劉政池! PDF 列印 E-mail
發表者 李南衡   
2013/11/29, Friday

19551959年短短五年,台語片發行178部,hit陣片名上長的是「薛丁山大戰樊梨花移山倒海三戰三敗(上集)」。看了干單知影樊梨花真gâu相戰,知影伊按怎移山倒海。最近看劉政池的「七七行館」報導,才知影伊主演的「中華民國大戰劉政池移山倒海kiànkiàn敗(上集)」,伊的移山倒海真正精彩。

1991年劉政池向大芳礦資公司租tio̍h佇北投泉源路七十七號廢棄的廠房kah工業用地,八年後向國有財產局取得租用同意書,再以承租戶優先購買土地,取得廢礦廠後面三千坪的國有土地。原本chit塊國有土地離道路傷近不准買賣,台北市政府地政單位kā chit塊地割作十六塊,伊買hit塊離道路有夠遠,所以會使買。2000年台北市陽管處長蔡佰祿發͘劉政池翻修廠房土地使用建照,拖到2004年才翻修作兩倍大的豪華住宅,2008年厝起好陽管處批准使用執照竟然是住宅,用途會使按呢變過去,有厲害無?佇起厝過程中,有調來十幾腳貨櫃囥佇國有土地頂面,經陽明山國家公園警察隊稽查,當時台北市政府建設局水土保持科有開罰單三十萬,要求限期改善。改善的結果是佇國有土地下面挖一個闊二八公尺、長十二公尺、懸兩公尺半的地下室,hit十二腳貨櫃地下化成作地道。有厲害無?佔用豪宅邊仔的國有土地一千七百坪,攏無人知。有厲害無?

市議員何志偉the̍h2008kah 2012年空拍圖來對照,原本有樹林掩蓋的行義溪煞看現現,原始森林hôngkah缺一大塊,伊問講:「逐工有怪手、卡車出出入入,若有人去擋那會變按呢?有關官員攏tehkhong thè戇!」到底劉政池用啥物迷魂藥͘相關的官員攏gông-gông去?有厲害無?

2007年十月,柯羅莎風颱造成七七行館一塊土地崩落,劉政池的長女劉冠廷為tio̍h別莊地皮͘土石流沖掉,向台北市政府提出國賠。有影是賊khah惡人。台北市政府探勘了,證明hit所在幾十年來攏m̄-bat有災情,合理懷疑劉家地基挖空去、私埋秘窟,kah水土流失有因果關係。台北市工務局大地工程處早前bat罰伊變更水土保持設施kah原本的水保計畫無合,一遍六萬一遍六十萬。十一月二二,台北市政府工務局大地工程處表示,劉政池違反水土保持法有四部分,攏已經依法處罰法辦。誠好!但是那會拖到chit陣才有sêng teh辦代誌?

十一月二五,國有財產署北區分署表示,除了以竊佔罪嫌移送偵辦以外,今仔日提起民事訴訟,要求回復原狀kah損害賠償。有辦比無辦當然khah好,m̄-koh͘人懷疑,劉政池敢昨昏才起七七行館、昨昏才竊佔國有土地?

「中華民國大戰劉政池移山倒海kiànkiàn敗(上集)」,結果如何?siáng知!

 

 

※週一8點整、13點整、17點整於電台播出。

 
< 前一個   下一個 >