首頁 arrow 綠色短評 arrow 日月光的社會責任,擔起來!

日月光的社會責任,擔起來! PDF Print E-mail
Written by 李南衡   
Sunday, 15 December 2013
十二月初九,高雄市環保局去查tio̍h日月光高雄K7廠,偷偷排放含有致癌重金屬鎳(gia̍t)的強酸廢水,依法開罰六十萬並勒令停工。日月光竟然佇公開資訊觀測站頂面辯講,排放廢水不過是「異常事件」,雖然隔轉日有開記者會道歉,干單承認有「應變不當、管理疏失」,絕對無主觀犯意。

 

日月光早tio̍h hông列作「廢水慣犯」的重點稽查對象,高雄市環保局長陳金德講,舊年三月、五月、九月,日月光三遍因為排放高污染廢水͘環保局罰一百四十萬,上尾一遍已經達到《水污染防治法》規定的停工標準,但是市政府猶原͘伊一遍改善的機會,無想tio̍h日月光用欺騙的手法:舊年七月,日月光申請廢水採樣槽ùi地下室遷到廠區一樓,無疑誤in佇新的廢水採樣槽內底偷接自來水管線,致使稽查人員所採取the̍h轉去化驗的樣本,是早tio̍h用大量的自來水透kah薄薄ah,化合物含量當然有合標準。

十月初,高雄市環保局例行巡查後勁溪的時,發現水質有個樣,檢驗後推估每日廢水排放量有五千五百噸,追查源頭才知影兇手猶koh是日月光。陳局長實地查廠的時,廠方仝款the̍h透水透kah薄薄的樣本交in͘陳局長tōng破雞kui才不得已chhōa環保人員入去戒備森嚴的地下室廢水儲存槽,當場查tio̍h含有強酸kah重金屬的廢水,日月光的人大嘴開開無話thang應。

日月光排放有毒會致癌的廢水入去後勁溪,污染的農田有成千公頃,世界第一大的半導體IC封裝廠、年收兩百億的大公司,那有驚你罰幾十萬幾百萬咧?高雄地檢署應該the̍h出魄力進行各種起訴的可能,Tio̍h追究in公共危險罪的刑責。有可能受污染的農地應該趕緊測量土質,若有必要規劃休耕,應要求日月光賠償;受鎳污染的日月光員工、kah後勁溪四箍圍居民攏應該作全面性健康檢查kah追踨,所有的費用該由日月光負擔。若是查實後勁溪的污染兇手是日月光,政府整治後勁溪所開去的六十億,當然tio̍h責日月光賠償。

日月光聲聲句句講in是失誤是故意。M̄ài強辯,若是故意,偷裝暗管去後勁溪beh創啥物?專工去做一個偷透自來水的廢水檢驗槽,那會是失誤?

 

高雄市環保局kohtio̍h日月光 K11廠有五項偷排放廢水的新事證。

2011年日月光得tio̍h第一屆「台灣綠色典範獎」,是何等的光榮!表示日月光有「綠色價值」、有「綠色管理鏈」、有「創新技術kah綠色行銷」,上重要的是有「社會企業責任」。過去to̍h m̄-tio̍h去了ahTa,日月光tio̍h勇敢面對台灣人kah台灣chit塊土地,用懺悔的心情該賠人的緊賠人,該改善的設備緊換新,重新做起,做真正台灣的綠色典範,台灣人會原諒伊!

 

 

※週一8點整、13點整、17點整於電台播出。

 
< Prev   Next >