首頁 arrow 綠色短評 arrow 偌濟台灣人耳仔歹去?

偌濟台灣人耳仔歹去? PDF Print E-mail
Monday, 15 September 2008
馬英九競選總統e5時,及當選總統以後所講e5話無仝,ma7及當選了後每一坎站所講e5無仝款,害真濟相信伊e5台灣人煞失去信心,懷疑是m7是家己e5耳仔歹去ah?若無那會差hiah濟? 競選期間,馬英九專工去中、南部庄腳,chia住一暝hia住一工,有七百六十五萬人講馬英九是留美e5、哈佛大學e5法學博士,伊應該是teh講英語號作「long-stay」,另外五百四十四萬人講馬英九為tioh8選總統拍拼學台語,伊是講台語,伊是講:我所講、所做e5「攏是假e5」。   競選期間,馬英九喝出來e5財經口號是「六三三」。有七百六十五萬人聽作若hou7伊當選總統,台灣經濟成長率會到六葩、國民所得美金三萬箍、失業率落到三葩。一百工後馬英九煞講伊作總統第八年有可能達成。另外五百四十四萬人聽作若hou7伊當選總統,台灣股票指數會落到六千三百三十點。馬英九e5經濟部長原本講,台灣股票會起到兩萬點!馬英九總統就任無幾工後,煞講伊講股票會到兩萬點是講笑e5 lah8!五月十九日馬英九就任總統e5前一工,台灣股票指數是九千二百九十五點,九月初五馬英九就任第一百0九工一開盤,台灣股票就落到六二一一點,破六三三0,破十年線ma7破二十年線。真濟人chit陣才知:「六三三m7是夢」是「惡夢」。財政部長講股票起落股民tioh8家己負責!   馬英九競選總統上大聲e5口號是「馬上好」。有七百六十五萬人聽作是馬英九講華語「馬上好」,另外有五百四十四萬人講阮明明聽伊是講台語「馬上哮」。馬英九就任總統了後,行政院長劉兆玄講馬英九e5意思m7是「馬上好」、是「馬上漸漸好」。七百六十五萬人相信馬英九,想講無論啥人作總統ma7無可能會「馬上好」,當然是「馬上漸漸好」才有道理。另外五百四十四萬人認為,啥物阿斗來作總統ma7無可能hou7全國人民「馬上哮」、一聲就「哮」出來,所以認為劉兆玄行政院長講了有道理,逐個會「馬上漸漸仔哮」,會「哮」be7煞!   五百四十四萬人因為人數khah少、諍輸七百六十五萬人,馬英九就按呢順利當選台灣總統。馬英九就任一百工後,台灣人哀父叫母,甚至有人自殺死去。有人講馬英九應該向全民會失禮,馬英九一定感覺真好笑,我作總統也m7是搶來e5,那tioh8會失禮?有人罵講伊是用騙來e5,馬英九會感覺koh khah好笑,大人大種受過高等教育e5人是按怎chiah呢好hong5騙? 總講一句,咱希望七百六十五萬人緊醒起來,承認家己耳仔歹去聽m7- tioh8。而後向家己ma7向另外e5五百四十四萬人會失禮!
 
< Prev   Next >