首頁 arrow 綠色短評 arrow 兩個政府khah輸一個金車食品!

兩個政府khah輸一個金車食品! PDF Print E-mail
Tuesday, 30 September 2008
        台灣第一品牌e5金車食品公司,ti7九月十三知影中國發生毒奶粉事件,恐驚傷害tioh8消費者,ti7九月十六主動送商品去食品工業發展研究所檢驗,結果呈現陽性,「疑似」有三聚氰胺,意思是講那像有e5款。金車公司be7放心,十九koh送一遍去檢驗,廿一早起確認有八項沖泡式食品含有三聚氰胺,早起十點隨時通報衛生署,請in來清查庫存,同時通知經銷商回收所有有疑慮e5商品。

        金車食品公司相信一禮拜內會tang3回收九成半以上。若有造成消費者健康受害,願意配合賠償,若有買tioh8 e5消費者ma7會使theh去金車公司退費。

  因為金車食品公司所使用e5植物性奶精,是向中國山東都慶公司買e5,致使衛生署趕緊要求所有最近向中國都慶公司買過產品e5進口商及食品公司,攏tioh8in e5產品送驗。四間公司進口上濟,供給hou7幾十間廠商,所製作出來e5包括布丁、濃湯、奶茶等一大堆產品。九月廿三衛生署講,若有ui3中國山東都慶公司進口原料,無論是大豆、奶精、麥芽精、肽、麥芽糊精等任何產品,攏tioh8化驗,一點仔毒品都be7使有。而且講:有摻tioh8大陸製e5乳製品、植物性蛋白及奶精,攏tioh8全面落架!

  九月廿四早起,中國國務院對台辦發言人李維一講:山東出入境檢驗疫局,ui3山東都慶公司出口台灣e5仝批原料所留樣品中抽四個植物性奶精樣品,分送hou7無仝e5實驗室檢測,攏無測出三聚氰胺。而且將所有檢測結果及相關產品資訊:生產商、出口商、出口產品名稱及數量、生產日期等資料,交hou7海協會轉交hou7台灣e5海基會。

  金車食品向中國都慶公司進口e5產品明明有三聚氰胺,是按怎中國國務院對台辦發言人會講in驗無咧?真有可能是in e5儀器攏是烏心儀器,beh那有可能驗出啥物毒?抑是中國都已經全國攏是毒ahbeh按怎驗毒咧!

九月廿四暗,咱衛生署隨時改變標準:三聚氰胺檢出標準ui3原本e5 0放

水到2.5ppm。致使一寡原本無合格e5食品煞變作合格品。咱想be7曉,既然三聚氰胺有毒,歐美國家及日本規定食品內底一絲絲仔ma7 be7使有。是按怎咱衛生署敢講食品中三聚氰胺含量kan-taN一個標準,就是0.25ppm

  亂舞一下,九月廿五衛生署長林芳郁落台。廿六,行政院講食品中三聚氰胺含量kan-taN一個標準就是0、一絲仔都be7使有,一寡合格品koh變無合格。

中國共產黨及中國國民黨這兩個雙生仔黨e5政府仝一款,攏無ka7人民看作人,做代誌反起反倒、無負責koh愛講白賊。兩個政府khah輸一個金車食品!

 
< Prev   Next >