首頁 arrow 綠色短評 arrow 馬英九m̄是普通戇!

馬英九m̄是普通戇! PDF Print E-mail
Written by 李南衡   
Friday, 16 May 2014
五月十四出版的《壹週刊》報導:根據美國制訂的「外國帳戶稅收遵從法」(FATCA),ùi今年七月初一開始,美國國稅局(IRS)會向全世界海外美國籍kah有綠卡的人士追稅。《壹週刊》用馬英九的綠卡資料向IRS駐北京辦事處查證,五月十三回批證實:「馬英九綠卡狀態符合FATCAtio̍hIRS報稅。」若有影按呢,會變作台灣總統繳稅͘美國政府的hàm古,會͘國際笑死! 五月十四總統府發言人李佳霏發新聞稿講:(馬英九的綠卡)早早tī二十外年前tio̍h已經放棄、無koh使用,早tio̍h已經自動失效。所以絕對無可能向美國政府繳稅。若向美國政府繳稅,馬英九願意辭職。放心,IRS動作無hiah緊快。   台灣駐美國代表沈呂巡隨時向AIT查證,AIT執行理事唐若文回批,主要是講:本協會過去tio̍h已經知影,馬英九總統已經放棄伊早前所the̍h的永久居留身分,而且早tio̍h列入相關美國移民機關檔案,Chit-ê代誌已經結案。 有申請the̍h tio̍h美國永久居留權的「綠卡」,並m̄是啥物見笑代,馬英九若老老實實去申請放棄,啥物是非都無。馬英九頭起先是完全否認,講in厝無人有綠卡,路尾才反口供講伊tī 1977年前後,bat為tio̍h申請讀冊貸款kah佇美國工作的需要,以依親的方式the̍h tio̍h綠卡,大約tī 1985年前後tio̍h無koh使用,以後去美國訪問,攏是向美國在台協會申請簽證。照美國的法律,申請簽證看作放棄綠卡,綠卡tio̍h已經失效。美國叼一條法律按呢規定的? Koh講白賊!綠卡失效有三個原則,第一,Tio̍h書面申請放棄;第二,美國行政部門判定綠卡終止效期;第三,經過美國聯邦法院判決終止。若真正照AIT台北辦事處前處長包道格所講的,只要離開美國一年內無koh使用,綠卡tio̍h失效。按呢早前阿扁作台北市長時的副市長民進黨籍的陳師孟,就任前先去美國駐泰國大使館宣示放棄綠卡;馬政府前外交部長歐鴻鍊就任前先去宣示放棄綠卡、馬政府前經建會主委陳添枝上任前先宣示放棄綠卡、馬政府前國安會秘書長蘇起早早tī 1988年填表放棄綠卡、馬政府前國安會諮詢委員詹滿容上任後放棄綠卡。無分黨派,攏總chiah戇tio̍h照步來,獨獨馬英九上巧,干單伊講規定之外若一年無koh使用,綠卡tio̍h失效。五月十四AIT干單講馬英九的綠卡已經放棄ah,馬英九應該講清楚伊的綠卡tang時仔按怎失效去的?   馬英九的支持率那會chhun 9%,因為伊一再講白賊講kah hiah誠懇,人民無beh相信伊。伊想講家己上巧,台灣人攏是戇人,按呢就知影馬英九m̄是普通戇!
 
< Prev   Next >