首頁 arrow 綠色短評 arrow 假使張顯耀「匪諜」若是真的!

假使張顯耀「匪諜」若是真的! PDF Print E-mail
Written by 李南衡   
Monday, 25 August 2014

八月十六,行政院新聞稿講:張顯耀因為「家庭因素」,請辭陸委會副主委。聽講有安排一個國營機構董事長beh hō͘張顯耀,張顯耀當場拒絕。第二工八月十七,張顯耀家己piak孔,講伊是「長官講才知影家己辭掉陸委會副主委一職。」陸委會隨時tī hit暗強硬回擊講:張顯耀佇工作上有疑點tioh釐清,tio̍h調離現職接受調查。八月十八,陸委會開記者會表示,用老母破病「家庭因素」去職是beh保護張顯耀;針對張的工作疑點,會組成專案小組調查。張顯耀koh發聲明講,伊的一言一行攏是遵從總統、國安會秘書長kah主委的指示辦理,陸委會烏白亂射箭,͘人冤枉無地講。八月十九,陸委會表示,決定全案移送調查局。張顯耀接受電視專訪的時強調伊無做不法的代誌,koh講伊已經要緊的代誌攏寫佇遺書內底,交͘律師。八月二十,陸委會主委王郁琦親身開記者會表示,七月下旬接tio̍h情資,知影張顯耀涉嫌洩漏國家機密,當時研判有可能牽涉tio̍h國家安全,所以隨時向金溥聰秘書長報告,八月初才向行政院長江宜樺說明,建議先伊調職,有得tio̍h兩位長官的同意。八月二一,《聯合報》頭版刊出:調查局懷疑張顯耀已經hông吸收作共諜,新聞內文講:至少有五件以上「密」、「機密」資料͘大陸官員,昨昏正式立案調查,上緊明仔載會展開約談行動。八月二一,高檢署以目前證據不足要求補件。

2012年二月,張顯耀就任陸委會副主委,2013年九月初二,,陸委會特任副主委由現任政務副主委張顯耀接任,2014年二月初六,海基會新任秘書長由陸委會副主委張顯耀兼任、而且兼海基會副董事長,會使講是當今有關兩岸關係上紅的一位。今年八月十二,海基會董事長林中森才chhōe張顯耀,kā講馬總統真肯定伊的表現。所以過兩工,王郁琦主委講頂頭叫伊辭職,伊那聽會落去?張顯耀是總統特任的陸委會特任副主委,是按怎m̄是馬總統叫伊辭職咧?   假使張顯耀「匪諜」是真的,chit幾年chit-ê代表咱政府去kah「共匪」所做的所有的談判到底有效抑無?同時mā是kā「共匪」搧嘴phóe講:恁實在真無意思,kā阮的首席談判代表吸收去作恁的「間諜」;有錄影錄音koh有白紙寫烏字,都講你犯外患罪的「匪諜」,此後啥人敢代表馬英九政府去kah人談判咧?無人看會起馬政府。此後每一遍談判了後,中國代表真有可能會對咱台灣的首席談判代表滾笑講:khah細膩咧才好,若無轉去台灣會hông掠去作「匪諜」哦!   假使張顯耀「匪諜」若是假的,馬英九是戇死,張顯耀會氣死,害真正的「匪諜」笑死!
 
< Prev   Next >