首頁 arrow 綠色短評 arrow 咱敢猶有政府?

咱敢猶有政府? PDF Print E-mail
Written by 李南衡   
Friday, 12 September 2014
九月初四,內政部警政署刑事警察局南部打擊犯罪中心,sa-tio̍h屏東主嫌郭烈成等六人經營的地下油廠,專門向廢油回收業者順德企業kah自助餐廳買phun,再滾了煉收「phun油」(華語講作「餿水油」、中國講作「地溝油」)。根據衛生福利部食品藥物管理署表示,主要是賣͘強冠企業公司。伊才kah別種油混合作夥製成「全統香豬油」kah各種油品賣全台灣。 九月初八,衛福部食品藥物管理署竟然公開kā chit種「phun油」號作「劣質豬油」,按呢衛福部的責任敢有khah輕?實在是「天才」。In講檢驗的結果顯示,酸價超過正值標準,表示油脂無新鮮、已經水解酸敗;出現「苯駢芘」超過正常標準2ppb,這是chìⁿ了koh chìⁿ的廢油指標,其他項目攏合格。台灣大學共公衛生學院舉行記者會,院長陳為堅大罵政府干單檢驗常規項目,回收油含有真濟致癌物質,攏無檢驗beh那會知影確實的結果咧!吳焜裕教授罵講,政府危機處理完全無合格,應該公開會失禮。陳家揚教授提出,食品安全問題已經m̄是衛福部會tàng負責的,應該包括衛生部門、檢調單位、環保署、經濟部等採取聯合查緝,配合查稅,才有法度避免食安問題koh再發生。   連續幾工查落去,才發現問題大條!因為chit中間koh查出來強冠公司猶有替工研整合行銷公司代工製作「合將香豬油」。台灣的「phun油」只不過佔三分之一,另外三分之二是ùi香港進口臭mo-mo的油,已經有十三年,今年猶進口八十七噸。強冠公司出貨hō͘全台灣麵包店、作肉hú、肉醬、魚酥的各種食品工廠、餐廳、食攤仔,上濟的是製作各種「速食麵」的油包的工廠。連奇美食品、美食達人(85度C)、味王、味全、黑橋牌等等一寡出名的大廠商mā tio̍h,出貨782公噸、1,020家tio̍h 災、問題產品有222項!上可憐的是拄拄發生tī中秋節前,基隆出名的百年老店「李鵠餅店」有用tio̍h「全統香豬油」,三四工人客來退錢的就超過一千萬,「台北犂記餅店」干單一味芝麻肉餅有用tio̍h niā-niā,人客無管,所有的產品攏來退錢,甚至有的theh空盒仔、空袋仔mā beh來退錢,chit幾工hông退三千外萬,其中真正買芝麻肉餅的干單一張發票。廠商beh哭無目屎,並m̄是貪俗,in無買一般市價一桶八百khō͘的油,顚倒買一桶一千0八十khō的油,因為看強冠公司有規模、而且有三項政府認證。廠商、餐廳、食攤仔beh問政府,阮hông退錢,啥人beh賠阮?阮tio̍h買啥物款油才無問題?最近「強冠公司」koh有二四項油品落架,董事長葉文祥猶會tàng逍遙開記者會表演礚頭、飲油咧?政府到chit陣攏恬恬無出聲。借問一下,咱敢猶有政府?
 
< Prev   Next >