首頁 arrow 綠色短評 arrow 馬英九chit號phun油政府!

馬英九chit號phun油政府! PDF 列印 E-mail
發表者 李南衡   
2014/09/19, Friday
九月初四,刑警查tio̍h屏東郭烈成等六人經營地下油廠,專門向回收phun油業者順德企業kah自助餐店收買phun,煮了煉作「phun油」,賣͘「強冠企業」透濫別種油,製成「全統香豬油」銷售全台灣,至少有782噸、1,020家商店廠商tio̍h災、問題產品有222項。「強冠企業」董事長葉文祥喝冤枉,講伊͘香港出口油品賣伊的「金寶運公司」騙去,伊完全知是工業用的烏心豬油。馬政府衛福部食品藥物管理署特別伊抹粉、號名叫作「劣質豬油」,講檢查了誠清誠芳,有合格但是無合法。完全無講有啥毒害。馬英九總統講食了「傷身,但是會傷心。」衛福部食品藥物管理署講代誌已經告一段落,想beh收煞ah 無疑誤香港警方重案組去掠金寶運公司董事江桂才kah兩個職員,台灣chit旁才koh傳喚進口香港烏心豬油的強冠企業董事長葉文祥,kah原本已經收押的郭烈成對質,而且發現葉文祥是香港hit間金寶運公司佔70%的大股東。衛福部新增加強冠企業旗下的二四項豬油品落價,清查出問題產品七十三項。咱強烈懷疑,干單一項「全統香豬油」tio̍h有1,020家廠商商店tio̍h災、問題產品有222項,二四項豬油品那有可能干單七十三項產品中鏢咧!   代誌舞kah講tio̍h油人人驚的地步,馬英九總統猶koh講中央的動作真緊真有效率,干單直直怪屏東縣政府那會無即時去掠製造phun油的地下工廠,kah買賣phun油的公司。借問一下,放目hō͘完全無生產豬油的香港出口假豬油來台灣,海關敢攏無責任?各大餐廳廢油kah phun的去向,環保署敢攏無責任?phun油會tàng theh tio̍h政府的三種合格優良標章,經濟部kah衛福部敢無責任?掠賊m̄掠賊頭,解決phun油問題m̄掠總根頭的強冠企業董事長葉文祥,放伊佇外口表演飲油跪hō͘你看,逍遙法外誠十工,若beh串證、毀滅證據,時間誠冗咧!   到chit陣,一寡商品落價的落價,一寡廠商hông退貨mā退kah差不多ah!In beh問政府的是,阮m̄是貪俗買tio̍h歹貨,顚倒是用khah懸的價數專工買有政府三種合格優良標章的強冠企業油品,阮到底tó一點m̄-tio̍h?阮的損失啥人beh賠阮?請政府報阮知,到底買tó一款油才無問題?人民mā beh問政府,阮隨時攏teh食各種有毒的食品、phun油,政府恁敢猶活teh?   咱看馬英九總統激作一個無事人,衛福部長那像真受委屈,環保署長那像是外交部長兼觀光局長遊世界。有人罵講「馬英九chit號糞埽政府!」m̄-tio̍h!因為糞埽猶會tàng回收。馬英九in看起來清清真美、鼻起來芳芳那像是純豬油,啥知影,in是一桶極毒的phun油。咱有影無法伊?馬英九chit號phun油政府!
 
< 前一個   下一個 >