首頁 arrow 綠色短評 arrow 中國國民黨按呢teh公然政策買票!

中國國民黨按呢teh公然政策買票! PDF Print E-mail
Written by 李南衡   
Monday, 17 November 2014
到底beh按怎解決直直piak出來的烏心油事件,͘台灣人食物件免驚惶,行政院長江宜樺應該tah胸坎全國人民保證講一種油會食得。伊正事辦,九月底開始走去基隆、台東、澎湖、高雄、屏東各縣市輔選,為中國國民黨的候選人開選舉支票政策買票,到十一月初已經開出選舉建設支票三千億。人民免啥煩惱,因為伊kah in黨主席馬英九仝款,足gâu開「芭樂(pat-á)票」騙選票。 1975年起,行政院每年編預算hō͘退休軍公教人員一箇半月的「年終慰問金」,2012年十月,民進黨立委管碧玲質詢批判,政府每年編202億hō͘四十四萬五千名退休軍公教人員年終慰問金,無法源mā無合理。十二月,行政院宣布ùi 2013年起,發放對象限佇月退俸兩萬以下的退休軍公教人員,領取的人數降作四萬兩千人,每年預算減作十億。為tio̍h年底九合一大選,八月二一,行政院核定ùi明年2015年起戶碇降低作月退俸兩萬五以下的軍公教人員,tio̍h koh增加十五億的預算,明明是軟土深掘!一下看全台灣選情對中國國民黨愈來愈bái,十一月初,中國國民黨立委孫大千發起一份連連署「預算主決議」,要求行政院全面恢復退休軍公教人員年終慰問金。年終慰問金講白就是「年終獎金」,退休了有人每箇月領退休金十萬、二十萬猶無夠氣,啥物攏無做,tio̍h koh hō͘ in一個一箇半月的「年終獎金」,「慰問」啥物碗糕咧?實在是食台灣納稅人傷過夠!   藍營選情愈來愈害,中國國民黨立委廖正井認為退休軍公教人員年終慰問金的爭議,害台中台北選情繃ân,佇立法院質詢行政院人事長黃富源講:「公務員比例上懸的台北市若是輸去,台中市若輸kah土土土,我絕對chhōe恁算數!」   若按呢,退休軍公教人員敢tio̍h會攏出來投hō͘中國國民黨的候選人?無拄拄哦!十一月十二,軍公教廢票聯盟開記者會,講政黨枉屈軍公教人員的權益、侮辱in的尊嚴、烏白舞年終慰問金。In主張全民投廢票,hō͘中國國民黨六都慘敗,馬英九辭掉黨主席才有法度救中國國民黨。In家己講有法度影響兩百萬人。   十一月十二,總統府舉行月會,邀請交通部長葉匡時進行交通建設專案報告,國策顧問白冰冰問葉部長:「屏東chiah重要的旅遊地區,特別是(中國國民黨提名的屏東縣長候選人)簡太郎佇hia拼kah按呢,有啥物利多會tàng hō͘伊向鄉親報告,chān伊一下?」一個三八嫌無夠,兩個掠來鬥。交通部葉部長應講:「南迴鐵路電氣化chit禮拜六會ùi屏東kah台東兩頭開工,潮州到屏東的雙軌化kah電氣化明年完成,tng teh規劃台鐵恆春支線改作觀光支線。」   中國國民黨按呢teh公然政策買票,實在可惡!
 
< Prev   Next >