首頁 arrow 綠色短評 arrow 馬英九及人權獎

馬英九及人權獎 PDF Print E-mail
Tuesday, 16 December 2008
        十二月初十世界人權日,馬英九總統出席「二00八年亞洲民主人權獎」頒獎典禮,伊佇台頂致詞,台腳有藏獨支持者夯雪山獅子旗及Dalai Lama e5相片表達抗議馬英九拒絕Dalai Lama訪問台灣,續落去有聲援樂生療養院e5學生當面向馬英九唱聲,抗議「政治迫害樂生人權,假保留真迫害!」

        馬英九總統致詞e5時特別提起,聯合國ti7一九六六年通過兩項國際人權盟約「公民政治權利」及「經濟社會文化權利公約」,中華民國政府當時有簽字,但是四十幾年來立法院攏無通過,二00一年以後有四遍送去立法院ma7攏無順利通過。講伊已經及行政院劉院長通過電話,為tioh8突顯咱國重視人權,希望本週行政院會外交部koh提出hit兩項公約hou7立法儘快通過。

  咱分幾方面來講:第一,聯合國ti7一九六六年通過e5個公約,拖幾十年無消無息,敢m7是中國國民黨執政時代?一直到二00一年民進黨執政才四遍送立法,是中國國民黨佇立法院佔多數m7 hou7通過,chit陣才「六月芥菜,假有心。」第二,一個聯合國通過e5公約,就是立法院通過,行政院若無心beh去推行ma7無效。今年滿一甲子e5世界人權公約,ti7一九四八年中華民國政府有簽約、立法院ma7有通過,蔣介石蔣經國m7遵守,台灣人權狀況是世界有名e5 Bai!有名e5 Ou3!一直到李前總統執政了後才一年一年得tioh8改善。第三,二000年民進黨執政了後,雖然he兩個公約佇立法院攏無通過,民進黨政府有心做好,對人權維護e5表現,變世界有名e5讚!

  今年五月,中國國民黨e5馬英九就任總統了後,台灣人權一日一日bai2。特別是十一月初,中國海協會長陳雲林來台灣訪問期間,中國國民黨政府所講所做e5,確實會hong5受氣傷心。淨空高速公路車道、禁止民眾佇公共場所夯國旗、禁止民眾佇公共場所講「我是台灣人」「台灣m7是中國e5」、強行闖入去唱片行禁止人放歌等等。十外年來m7-battioh8警察拍人摃人、最近猶閣出現!連chit幾年一直阿佬台灣人權進步e5國際特赦組織、美國自由之家、國際人權聯盟,最近攏寫批hou7馬英九政府,提醒台灣tioh8調查十一月初e5警民衝突真相、對台灣人權驚人e5退步表示嚴重關切、請台灣警方避免濫sam2用暴力。

馬英九總統上台了後,一直違反人權、迫害人權、thun2踏人權。有人講邀請馬總統去頒人權獎,根本就是對人權及chit-e5人權獎上大e5侮辱。我認為馬英九去to2位頒人權獎無啥物。咱敢會tang3眠夢,馬英九有一工伊親像阿扁總統ti7二00三年十月卅一日按呢,去美國國際人權聯盟hong5頒人權獎!

 
< Prev   Next >