首頁 arrow 綠色短評 arrow 朱立倫主席hō͘洪秀柱咬一下流血流滴!

朱立倫主席hō͘洪秀柱咬一下流血流滴! PDF Print E-mail
Written by 李南衡   
Thursday, 25 June 2015
幾十年來,台灣總統候選人攏會chhōe機會競選期間,去日本kah美國訪問已經成作慣例,因為總統上重要的工課是外交,國防kah兩岸。將來beh主導外交kah國防(軍事安全)的總統,一定會拚去美國訪問,kah美國高層智庫參詳。當然是一個向選民展示伊有具備kah各國交涉來往的能力,收tio̍ih「出口轉內銷」的效果。特別美國是世界第一強國、唯一佇國內法訂「台灣關係法」保護台灣的國家。那像中國國民黨立委林郁芳講的:美國的重要性,連三歲嬰仔知。一個真有可能明年正月代表中國國民黨參選總統的洪秀柱,無管美國在台協會處長梅健華講,洪秀柱若有beh去美國訪問,會kah蔡英文仝款的規格歡迎伊,洪秀柱卻講伊若無比蔡英文koh khak懸的規格,伊去美國創啥? 有人建議伊tio̍h去美國訪問,會tàng順續去宣慰僑胞,洪秀柱講,我是佇台灣選,是選僑胞代表!伊講選舉分秒必爭,時間傷迫,不如時間用佇島內走基層爭取支持khah實在,伊koh講,美國若有趣味,我kā iat手:來ah,來訪問我。 有人懷疑洪秀柱的體力堪bē去,無法度親像蔡英文按呢美國南北二路chông十工,tio̍h koh參加討論會、公開演講、秘密會談等等。有人懷疑洪秀柱的英語能力無夠好,國際視野無夠濶,無去美國無代誌,一去現落氣!有人懷疑伊足驚美國高層問伊中國問題,伊beh按怎解釋「一中同表」、「簽訂兩岸和平協定」?事實上,洪秀柱家己無講明,咱無法度知影伊無愛去美國真正的原因。   身為中國國民黨主席的朱立倫當然會急,六月二十伊講七月十六「全代會」了,會安排洪秀柱八九月仔去美國訪問。洪秀柱隨時發表聲明講:有關兩岸kah訪問美國的議題,日後以伊洪秀柱本人抑是發言人為準。第二工,朱立倫主席緊出來講,「嘴齒都會咬tio̍h嘴舌,無啥人 tio̍h 啥人 m̄ tio̍h lah!」咱真同情朱立倫主席,嘴舌hō͘嘴齒咬tio̍h,絕對是比嘴phóe hō͘訓導主任搧一個koh khak疼。   咱知,食物件無注意,有時嘴齒會咬tioh嘴舌。但是有時是thiau故意的。世間那有hiah戇的人?m̄是戇、是chhūn辦死的。1968年三月二六下晡四點,日本留學生柳文卿去東京入境管理處辦理延長簽證手續,台灣的中國國民黨政府早tio̍h已經kah日本政府講好,伊入去隨時hông押起來,準備第二工透早遣送轉去台灣。柳文卿叫天天bē應,伊只有用嘴齒出力咬舌自殺抗議,滿嘴攏是血的柳文卿猶含血喝:「台灣獨立萬歲!」   嘴尖舌利的洪秀柱出力咬軟軟無力的嘴舌-中國國民黨主席朱立倫,咬一下流血流滴,咬無斷上佳哉,不過朱立倫無死mā chhun無半條命!
 
< Prev   Next >