首頁 arrow 綠色短評 arrow 朱立倫teh練啥siáu話?

朱立倫teh練啥siáu話? PDF Print E-mail
Written by 李南衡   
Friday, 23 October 2015
十月十七,離2016大選才chhun三個月的時間,中國國民黨召開臨全會黨提名的總統參選人、先發投手洪秀柱挽掉,由總教練黨主席朱立倫親身落去擔任救援投手。朱立倫隨時趕場,佇一遍電視專訪、兩遍電台專訪、三個平面媒體專訪了後,十月二十,接受網路媒體《東森新聞雲》專訪,說明是按怎選民投票tio̍h選伊的理由。朱立倫講:(中國)國民黨kah民進黨是台灣主流的兩大政黨,過去bat犯過錯誤,攏會做出檢討kah改正。伊希望人民面對2016選舉的時,m̄-thang因為(中國)國民黨的錯誤,所以選擇民進黨、投票͘民進黨。Mā m̄-thang因為民進黨的錯誤,來選擇(中國)國民黨。 人民用一張票一張票選出的政黨候選人,是人民家己的選擇,歡喜甘願委託得票khah濟hit-ê個政黨執政,執政黨若是做無好、犯錯誤,人民原本會使行使「罷免權」tī執政期滿進前kā ián落台。問題咱現此時有關「罷免」的法律規定過頭嚴格、戶椗傷懸,剥奪人民行使罷免的權利。唯一的辦法tio̍h是khah忍耐一下,忍耐kah伊任期滿,用選票表達人民對執政黨的不滿kah憤怒,hō͘伊落台,伊才會檢討所犯的錯誤,反省是按怎人民無滿意甚至大受氣!執政黨若做了好,執政者任期期滿,人民會hō͘伊連任的機會,連任了,伊本人因為受任期限制bē-táng koh連任,人民會支持kah伊仝黨的候選人出來執政,最近一二十年來高雄市、台南市一再由民進黨執政,而且最近的得票會tàng懸kah 70%,tio̍h是真好的例。朱立倫敢知影啥物叫作「民主政治」?十月二二,民進黨主席、總統參選人蔡英文講:一個政黨若是違背民意,tio̍h會hông換掉,che才是民主政治。   Chit遍立法委員改選,真濟中國國民黨的立委無beh koh出來參選連任,攏是講「大環境」無好,m̄敢明講chit七年外馬英九政府做了真差,人民怨歎受氣。舊年九合一大選,台灣人已經教示中國國民黨一遍ah,猶無夠。明年一月十六的總統kah立法委員大選,一定會kā摃一下koh-khah大力。中國國民黨政府做了無好、犯了錯誤,人民當然選擇民進黨。Chit點抵抵hō͘朱立倫挽掉的洪秀柱顚倒khah清楚,伊怨歎講:假使chit陣若是執政了好,我mā會使倒leh選。   朱立倫講:m̄-thang因為(中國)國民黨的錯誤,所以選擇民進黨。按呢是啥意思?是m̄是講無論中國國民黨做了偌bái偌àu,台灣人猶原tioh含血含目屎含恨,選hō͘中國國民黨提名的總統候選人朱立倫?若按呢,親像中國一個黨tio̍h好ah,mā免hiah費氣辦啥物選舉,一直hō͘中國國民黨執政tio̍h好。 朱立倫,taⁿ你是teh練啥siáu話?
 
< Prev   Next >