首頁 arrow 綠色短評 arrow 馬英九是騙人,咱是啥物款人?

馬英九是騙人,咱是啥物款人? PDF Print E-mail
Written by 李南衡   
Monday, 09 November 2015
十一月初三晚十點三十四分,《自由電子報》獨家piak消息講:「馬英九總統初七會密訪新加坡,馬習會會無意中發生。」台灣各媒體向總統府求證,一直到十一點四十分才發表聲明,半暝十二點總統府發言人陳以信才證實有「馬習會」消息。第二工,中國國台辦主任張志軍通過官方媒體新華社發布消息,證實習近平kah馬英九會十一月初七佇新加坡見面。原本兩旁講好同時發布消息,因為《自由電子報》先獨家piak出消息,才破功去。 聽tio̍h chit-ê逐個隨時想起馬英九beh 拚2012年總統連任,tī 2011年接受「東森電視台」獨家專訪的時,大聲講:「我絕對bē tī我未來的四年中間,去kah大陸領導人見面。」十一月初五,馬英九講伊hit當時的意思是講,bē去中國大陸kah大陸領導人見面,chit遍是去新加坡m̄是去中國大陸。若按呢,仝hit工接受專訪的時伊講:「我絕對bē kah大陸談統一的問題;我絕對bē做出任何有損中華民國主權、抑是台灣尊嚴的代誌。」後擺伊會反啥口供,你敢敢信?   馬英九騙人m̄是頭一擺。1998年馬英九講兩百遍伊bē選台北市長,結果伊參選而且當選,看台北市民偌呢好騙;2007年馬英九講伊若當選總統bē兼任中國國民黨主席,2008年當選總統了繼續作伊的黨主席,中國國民黨員實在真好騙;2008年總統大選期間的一月十五,馬英九發表經濟白皮書,內底提起「六三三」政見,就是伊的任內,平均每年經濟成長率6%、失業率降到3%以下、2016年平均國民所得達三萬美金。若做無夠,願意捐出一半的薪水。2011年總統任期teh beh滿,人問伊六三三那會做無夠,伊應講tio̍h koh一任到2016年結束才做會到。第二任總統teh beh滿的2015年第三季的經濟成長率是負1.01,伊敢有捐一半薪水?台灣人太好騙,莫怪伊馬英九mā激phî-phî激笑笑。馬英九早前bat講,「馬習會」是大代誌,所以若有「馬習會」一定會有三個前提:Tio̍h國家有需要、人民會支持、接受國會監督。初七beh舉行「馬習會」,初三半暝十二點才宣布,tó一個前提做有夠?伊初五講初七佇新加坡的「馬習會」,bē有牽涉tio̍h政治談判、bē簽署協議、bē發表共同聲明、bē有私底下承諾啥物。明講伊都亂騙,何況in門關起來談一點鐘,實在會談啥伊敢會講,伊講你敢會信?   十一月初二,中國國民黨主席朱立倫喝講伊「尊王」(尊王金平),thīn王的人士真不滿講,hông騙一擺是我戇,hông騙兩擺我tio̍h是戇人、伊是騙人。何況王院長hông騙超過兩擺!台灣人hō͘馬英九騙m̄-nā五擺,馬英九是專門騙人的「pián仙仔」,按呢,咱台灣人算是啥物款人?
 
< Prev   Next >