首頁 arrow 綠色短評 arrow 高票當選m̄是悲劇,無選舉才是悲劇!

高票當選m̄是悲劇,無選舉才是悲劇! PDF Print E-mail
Written by 李南衡   
Friday, 11 December 2015

十一月三十,中國海協會會長陳德銘來台灣訪問,十二月初一佇宜蘭參訪的時講:「Hitlerhit-lohhit當時以非常高票當選領導人,卻造成全球悲慘的歷史,che說明人民有時會͘假象遮蓋騙去。」來者是客,來人兜按呢指(-tu̍h-tu̍h真無體統,有人講伊是teh暗中批評chit遍總統大選有可能得tio̍h高票的民進黨候選人蔡英文。蔡英文回應講:希望陳德銘對台灣的民主加體驗瞭解一寡,特別「chit陣是台灣大選的敏感時刻,希望伊行踏講話會tàng khah細膩咧。」

Hitler並 m̄是民主方式高票選出來的領導人。1932年四月初十第二輪選舉,Hindenburg(heng-teng-pó)以1,900萬票當選總統,Hitler得1,350萬票。伊是高票選出來的總統Hindenburg 1933年一月三十所任命的總理。此後tio̍h無koh舉辦總統大選,因為伊已經變作一個獨裁者,人民無伊法,che才是悲劇。   蘇聯共產黨中央委員會總書記斯大林獨裁統治三十一年(1922-1952)、自了m̄-bat有全民普選,伊推行農業集體化,引起蘇聯大饑荒,對黨、政、軍領導人大清洗、大屠殺,超過十萬人死亡,人民無伊法,che才是大悲劇。   1949年九月,中國人民政治協商會議第一屆全體會議代表,選毛澤東作中華人民共和國中央人民政府主席,kah全國人民無關係。1954年第一屆全國人民代表大會第一次會議毛澤東全票當選第一任中華人民共和國主席,mā kah全國人民無關係。人民干單會使選鄉鎮人民代表,鄉鎮人民代表選縣市級,縣市級人民代表選省級,省級人民代表才選出全國人民代表,in是代表的代表的代表。毛澤東m̄-nā是永遠的領導人,而且會使指派接班人:1945年伊指派劉少奇作接班人,一直到「文革」的1966年八月才kā劉少奇換落來;林彪變作毛澤東「上親密的戰友kah接班人」,1971年「林彪叛國事件」了後指定文革的「造反司令」王洪文作接班人;「四人幫」了後指定鄧小平作接班人,毛澤東家己才koh打倒鄧小平;1976年四月,指定華國鋒作第五個接班人,五個月後毛澤東死去。   陳德銘m̄-nā無知亂講歷史,mā無知m̄知啥物叫作「民主政治」,koh khah離譜的是,十二月初五伊去南投參觀茶園,對台灣土地政策有趣味,直直問講:「你的土地是政府hō͘你的是boh?蔣經國先生舞土地改革舞幾年?」咱攏知台灣土地改革第一階段是1951年的「三七五減租」,hit當時蔣經國無作官,第二年十月三十一成立「中國青年反共救國團」擔任團主任,才開始出頭。身為海協會會長的陳德銘對台灣chiah呢無知,莫怪kā中國kah台灣的關係愈舞愈離經。   高票當選m̄是悲劇,無選舉才是悲劇,掌權者無知koh khah是悲劇!
 
< Prev   Next >