首頁 arrow 綠色短評 arrow 高級外省人VS(對削)台灣奴才

高級外省人VS(對削)台灣奴才 PDF Print E-mail
Written by 李南衡   
Monday, 28 December 2015
六十六年前走路來台灣的一寡中國難民,無感謝收留in的台灣人,顚倒恩人看作是日本殖民政府留落來的皇民、當然是懸人一等高級外省人的奴才。你若反抗、伊tio̍h用「匪諜」辦你,你若講台灣人是台灣的主人、伊tio̍h講你是「共匪仝路的人」,掠你關你拍你銃殺你!若乖乖聽話,伊tio̍h賞你一碗飯、甚至͘你作一個鼻屎大的官、你準作奴才來差用。有人穿tio̍h「中國國民黨員」hit領「貴族」的外衫,tio̍h完全記得奴才的身分,高級外省人根本看起「本土藍」hiah-ê有中國國民黨籍、「造反無膽,改革無能」的台灣奴才。但是若惹起高級外省人貴族受氣,伊tio̍h好好你修理。 中國國民黨chit遍公布不分區立法委員名單,kā作十七年立法院長的王金平列作第一名,顚倒kā代表黃復興黨部中將退伍的胡筑生排佇第十三名(chit遍估算安全名單是八名內),當然惹起chiah-ê家己認為是貴族的高級外省人受氣,屬軍人的「黃復興黨部」主委戴伯特推講目睭痛提出辭呈表示抗議,已經hông慰留ah。前電視節目主持人李艷秋佇伊的面冊頂面分析講,「(中國)國民黨teh beh 展開王金平時代」,伊講中國國民黨的氣脈真清楚,立法院中國國民黨bē過半,王金平佇不分區內底佈建伊的人馬,koh加伊輔選的區域立委,tio̍h會tàng建立一支十五名至二十名的自衛隊,王金平雖然無法度作立法院長,但是一定是中國國民黨國會的頭,一旦朱立倫選敗落台了,黨內唯一有實力接黨主席的干單chhun伊一個,續落咧?李艷秋足chhân,伊呼籲中國國民黨的支持者hō͘(中國)國民黨徹底死一擺好bò?敢m̄敢hō͘不分區立委第一名落選?Che是chit遍大選上好看的戲。咱知各政黨得票比率5%以上,才會tàng分配不分區立法委員名額。伊的意思是講,為tio̍h無愛hō͘排佇不分區第一名的王金平當選立法委員,叫逐家政黨票mài投hō͘中國國民黨、hō͘中國國民黨不分區立委死kah無半個,伊mā甘願!十二月二三新聞報導,深藍鐵票部隊黃復興黨部有teh激空氣,beh hō͘朱立倫倒,上主要是黃復興黨部不滿代表軍系的胡筑生排佇安全名單外口、(台灣奴才)王金平kah曾永權卻排佇頭前,受氣kah bē癮選hō͘ in黨提名的總統候選人。十二月二十新聞報導,立法院長王金平佇高雄輔選黨內立委參選人的時講:「服貿tio̍h是烏箱!」Chit聲bē直ah,連報氣象的老人李富城都跳出來罵講:政黨票我絕對無beh支持(中國)國民黨,無愛投hō͘伊ah!伊m̄是無歡喜王金平講老實話,伊是受氣台灣奴才那會使tōng破高貴外省人馬英九的雞kui?   猶有hiah濟台灣奴才猶未覺醒,che,才是台灣人的悲哀!
 
< Prev   Next >