首頁 arrow 綠色短評 arrow 獨裁者掠人刣人m̄驚你知、m̄驚你抗議!

獨裁者掠人刣人m̄驚你知、m̄驚你抗議! PDF 列印 E-mail
發表者 李南衡   
2016/02/22, Monday
2015年十月十四,香港銅鑼灣書店母公司「巨流」三股東之一香港籍的呂波佇廣東深圳的厝裡hông掠去;十月十七,另外一位「巨流」三股東之一瑞典籍的桂民海佇泰國Pattaya公寓͘掠去、有四個人chhiau chhōe伊的公寓beh搬走伊的電腦、͘公寓管理員阻擋搬無去;十月二四,銅鑼灣書店店長香港籍的林榮基,無人知影伊佇叼位失蹤;仝一工,「巨流」業務經理佇廣東東莞͘一個夯銃的便衣的掠去;十二月三十,「巨流」三股東之一、英國籍的蔡嘉蘋的翁婿李波、有人落定單買十幾本冊、包括《習近平後院失火》、《習近平kah伊的六個查某人》講會來倉庫提冊、李波去倉庫了tio̍h失蹤去。2016年一月十七,《新華社》發表文章講瑞典籍的冊店老闆桂敏海(桂民海)牽涉tio̍h 2003年十二月一件車禍,伊佇緩刑期間潛逃出國,伊是tī 2015年十月向公安機關投案自首。 2016年一月初四,香港行政長官梁振英講,根據一國兩制kah基本法規定,干單香港的執法人員有權佇香港執法,香港以外的執法人員佇香港執法,是違反香港基本法。立法會議員毛孟靜表示,chit遍的事件m̄是單純失蹤案件,是關係tio̍h公安政策kah出版自由,若證實中國大陸公安佇香港執法,是徹底破壞「一國兩制」原則,同時會產生「寒蟬效應」,嚴重打壓香港人言論出版自由。瑞典外交部向泰國當局明確表示,對瑞典公民佇泰國hông掠去中國「非常嚴肅看待」,瑞典外交大臣指責中國掠桂民海、koh逼伊佇電視頂面認罪,是「bē tàng接受的」!   中國國民黨mā真精彩:1968年已經佇Hawaii大學the̍h tio̍h經濟學碩士的陳玉璽住佇日本,中華民國政府怪伊經常發表「為匪宣傳」的言論,日本政府kah中華民國政府鬥孔仔,強制遣送轉來台灣,陳玉璽佇機場咬舌自殺無死,台灣警總軍法處以「判亂罪」判伊死刑。Hawaii大學、東京的台灣青年獨立聯盟、國際特赦組織向日本政府抗議,日本政府向中華民國施壓,才改判七年有期徒刑;1981年五月二十,佇美國教冊的陳文成博士轉來台灣探親,七月初二hō͘三名警總人員chhōa去約談,第二早起透早陳文成教授hông發現已經死佇台大研究生圖書館邊仔的草埔。Chit-ê事件引起美國政府徹查佇美國每一間大學攏有職業學生監視一般台籍教師學生的言行舉止隨時報告,是一個足嚴密的特務情報網,美國政府一個一個破壞了,kā主要的負責人攏趕轉來台灣;1984年十月十五,華裔美國籍作家劉宜良(筆名江南)佇厝裡hông彈死,經過美國調查,是中華民國國防部情報局派竹聯幫去刣的,有謠傳幕後藏鏡人是蔣孝武,蔣經國氣kah派蔣孝武去新加坡作商務副代表,而且講:蔣家的人今後bē使mā bē參選總統。   獨裁者掠人刣人m̄驚你知、m̄驚你抗議,干單驚你kā反!
 
< 前一個   下一個 >