首頁 arrow 綠色短評 arrow 中國國民黨員作官的功夫!

中國國民黨員作官的功夫! PDF Print E-mail
Written by 李南衡   
Monday, 13 June 2016
六月初二,一陣大雨失電͘你知影桃園機場第二航站偌呢「烏暗」、大積水一時͘桃園機場變作無名有實的「水上機場」,地下道積水八公尺深,有人滾笑講beh去桃園機場坐飛機,tio̍h看你有法度通過chit-ê「海關」抑無?聯外道路歸個bē-tín-bē動、200航次的飛機亂操操,機場內外哀父叫母的聲無斷,怨歎罵人的聲無煞。經過電視的報導,全國人民看kah火真to̍h、國家的大門͘全世界的人看衰bái。所有的指責攏指向桃園機場的管理階層。 桃園機場公司總經理費鴻鈞連去勘查一下都無,第一時間tio̍h跳出來講:Chit遍桃園機場會淹大水,主要是機場邊的埔心溪上游流來的漂流木kah糞埽kā涵孔(âm-khang)塞死、致使溪水滿過溪墘、溪岸piak破,大水才會流入來桃園機場。Khah趣味的是hit-ê m̄知頭m̄知尾的中國國民黨主席洪秀柱,干單聽桃機總經理費鴻鈞按呢講,想講機會掠tio̍h ah,隨時講:桃園機場是國家的門面,管轄權雖然m̄是桃園市,但是排水、防汛、交通等事項卻是kah桃園市關係誠密切,希望人佇國外的桃園市長鄭文燦應該負起責任,趕緊轉來處理相關的代誌。   四工後,行政院召開桃園機場淹水調查報告公佈記者會,承認chit遍淹大水確實是人禍造成的。記者會the̍h出相片說明,是機場H幹管三孔箱仔涵孔hō͘大量的大細粒圓石頭仔塞tiâu-tio̍h,致使上游水位懸過路面,流入航站南路車teh行的地下道。除了幹管塞tio̍h以外,桃機公司mā無即時kā航站南路車teh行的地下道邊仔地下勤務通道路口的防水閘門關起來,致使大水順勢流入去第二航廈B2地下室造成嚴重的災情。報告明白指出,chit遍桃園機場內外淹大水kah桃園市政府一點仔關係都無。   中國國民黨洪秀柱主席叫桃園市長鄭文燦緊ùi外國趕轉來創啥?第二工tio̍h趕轉來的鄭市長講,六月初二早起機場四箍圍落三點外鐘大雨,降雨量懸kah 165毫米,但是埔心溪水位監測顯示,hit工上懸的水位是早起十一點五分,水位大約0.91公尺,距離溪岸頂4.2公尺、猶有真大的空間,「埔心溪並無溢出的狀況。」等於kā洪秀柱黨主席kah費鴻鈞兩人搧嘴phóe。你聽洪秀柱主席kah費鴻鈞總經理按怎講?洪秀柱主席講,我請伊緊趕轉來有啥m̄-tio̍h?費鴻鈞總經理講,我第一時間按呢講是完全合理的推測。六月初三桃機董事長林鵬良隨時向交通部提出辭呈,費鴻鈞總經理講伊beh拚kah最後一刻,六月初六才hông解任。   你聽in所講的話,會進會退會閃會bih,m̄知叼一句話是真的、叼一句話是假的。In啥物話都講會出來,面bē紅。原來che tio̍h是中國國民黨員作官的功夫。
 
< Prev   Next >