首頁 arrow 綠色短評 arrow 看柯P的新聞,有消氣化痰的功效!

看柯P的新聞,有消氣化痰的功效! PDF Print E-mail
Written by 李南衡   
Friday, 23 December 2016
舊年十月十四,台北市長柯文哲去吳興街國軍單身退員宿舍訪視,宿舍自治會長楊忠興問起,明年重陽(tiâng-iâng/ toing-iông)敬老金的問題,柯市長回應講:一次性預算比例占傷濟,一年重陽敬老金七億占88%,拍算kā chiah-êsóa去做照顧老人的建設,像講日照中心、增加醫療體系對老人的照顧等等。 今年九月十三,台北市長柯文哲講,伊取消重陽敬老金害伊民調大落,假使連重陽敬老金都無法伊,年金改革koh khah困難一定會崩盤。「我一定bē退讓」。《天下雜誌》拄拄tī hit工公布2016年縣市大調查,柯市長施政滿意度ùi舊年的第九名大落,排佇二十一名,是全台灣縣市長ùi尾溜算倒轉來第二名。   十月二六,台北市議會進行明年度總預算報告,中國國民黨議員不滿柯市長刣掉重陽敬老金,砲聲無停:罵伊舊年刣七億敬老金、今年無發,明年竟然mā無編列;舊年講重陽敬老金無beh koh麻煩里長去發,叫老人去開一個戶頭,敬老金直接滙入去每一位老人的戶頭,干單用一遍、欺騙老人;柯P選前講beh照顧老人、選後bē記得老人;外面傳講到選舉hit年柯市長才beh koh發重陽敬老金,hō͘逐個歡喜、繼續騙選票。罵半點外鐘,柯市長猶無法度上台報告總預算。   十二月十一下晡,台北市長柯文哲參加「全國扶輪社論壇」,講到伊家己取消重陽敬老金,民調落15%,伊大聲哀講當初hông騙去。有其他的縣市首長叫伊先取消看māi,若是成功in會tòe。但是逐個看伊民調落hiah濟,煞無人tòe。 有記者問講當時是啥人建議伊刣掉重陽敬老金?柯市長講,當時大部分的首長攏反對,建議等到第二任無連任壓力的時才來刣,但是家己的學生、也就是社會局長許立民講:「各位前輩,政治我攏m̄-bat,但是現在若m̄是適當時機,啥物時陣才是適當時間?」結果逐個恬恬,算作通過。   柯P講伊「當初hông騙去」,到底hō͘啥人騙去?敢是「其他的縣市首長」?m̄是。In是講伊先取消看māi,若是成功in會tòe。但是in看柯P民調落hiah濟,無tòe,無人騙伊;敢是家己的學生、社會局長許立民騙伊?m̄是。伊干單問講:「現在若m̄是適當時機,啥物時陣才是適當時間?」敢講是市政府大部分的首長騙伊?m̄是。「當時大部分的首長攏反對」,是伊無聽in的話。若按呢,到底當初是hō͘ siáng騙去?原來是柯文哲hō͘伊本人騙去。啥人m̄知民政局長許立民是柯P的學生?伊講話,無人會戇kah佇公開場合、特別是佇柯市長的面前去逆伊。伊講啥,逐個攏mā夯順風旗。「逐個恬恬」是柯市長騙家己是「算作通過」。   柯P定定鬧出家己講家己tio̍h的笑話。看柯P的新聞,會有消氣化痰的功效。
 
< Prev   Next >