首頁 arrow 綠色短評 arrow 竹篙鬥菜刀的吳敦義

竹篙鬥菜刀的吳敦義 PDF Print E-mail
Written by 李南衡   
Friday, 17 November 2017

十一月十四早起,中國國民黨主席吳敦義聲援反年改團體「八百壯士」遊行抗議,接受訪問的時表示,伊昨昏看tio̍h一位自稱是立委柯建銘的阿叔所寫的傳真,內容有講起蔡英文總統包括修繕官邸開一億兩千萬、買三台車開幾千萬,就任一年半tio̍h去南太平洋國家訪問三遍,͘逐個懷疑蔡總統是去度假。十一月十四早起,中國國民黨主席吳敦義聲援反年改團體「八百壯士」遊行抗議,接受訪問的時表示,伊昨昏看tio̍h一位自稱是立委柯建銘的阿叔所寫的傳真,內容有講起蔡英文總統包括修繕官邸開一億兩千萬、買三台車開幾千萬,就任一年半tio̍h去南太平洋國家訪問三遍,͘逐個懷疑蔡總統是去度假。

民進黨發言人王閔生隨時發表聲明表示,吳敦義身為最大在野黨主席,那會chiah呢不明是非,未經查證tio̍h the̍h網路頂面的謠語來抺烏蔡總統,民進黨kā強力譴責。王閔生指出,有關吳敦義所講的傳真,柯建銘立委tī今年七月tio̍h已經澄清,講伊的阿叔已經往生三十外年ah,那有可能寫啥物指責蔡總統的文字咧,所以傳真的內容當然mā是偽造的。吳敦義卻kā chit種網路流傳的假訊息當作事實,koh用謠言作證明公開譴責蔡總統,實在真奇怪。王閔生講國內上無立場批評年金改革的就是中國國民黨,特別是bat作過行政院長副總統的人。   用腳路趺想mā知影,三十外年前過身的柯立委的阿叔,那有可能未卜先知三十幾年後今仔日的總統是蔡英文,而且預知伊修繕官邸會開諾濟錢、買幾台車會開諾濟錢。吳敦義黨主席為tio̍h beh證明伊支持「八百壯士」反年改有道理,竟然the̍h網路的謠言來證明蔡總統烏白開錢,來證明蔡總統用chit種粗暴thún踏軍公教警消勞的尊嚴。伊chit種作法咱台灣話叫作「竹篙鬥菜刀」,竹篙鬥菜刀鬥長長那像誠有看頭,事實上是bē看得,m̄-nā烏白亂鬥無力thang相刣,koh hông看出是一個愚戇的人所想出的、足好笑的武器。吳敦義若是干單無知kah好笑,咱mā猶會tàng原諒伊。   但是你聽吳敦義按怎講,伊講,hō͘人驚一tiô的是,柯建銘立委干單對外澄清in阿叔早早過身去ah,但是並無針對所寫的內容the̍h出更正,因為chiah-ê攏是事實,無法度反駁。咱beh請教吳敦義,準若有人借用恁死去的阿祖的名發表一篇謠言,你除了聲明恁阿祖已經死幾十年無可能寫chit篇文以外,你敢有義務tio̍h ka文章亂亂寫的內容一條一條the̍h出更正,像講蔡總統上任了後無去南太平洋三遍。設使你若無更正,敢講謠言tio̍h是事實,無法度反駁?人若要求你tio̍h kā謠言的內容一條一條the̍h出來更正,hiah無品的人你敢會插伊?   今年五月二十,中國國民黨選第七屆黨主席,真濟人寄望佇以十四萬四千四百0八票過半當選的吳敦義身上。但是,咱若看tio̍h中國國民黨新的黨主席吳敦義,竟然是一個「竹篙鬥菜刀」chiah呢無品的人,中國國民黨的前途實在是「無亮」,真無光亮!
 
< Prev   Next >