首頁 arrow 綠色短評 arrow 那會飼tioh8 chit種戇狗歹狗!

那會飼tioh8 chit種戇狗歹狗! PDF 列印 E-mail
2009/03/20, Friday
        自從二00八年五月二十,中國國民黨馬英九總統執政以來,所講所做e5hou7真濟台灣人看kah霧煞煞、氣phut-phut。公營e5台灣中國石油公司及台灣電力公司chhoa7頭起價,講是國際石油起價e5關係,台灣物價一工一工toe3伊起飛,無偌久,國際石油價數ui3一桶一百四五十箍落到四十外箍,影響人民每日生活上蓋大e5汽油、天然瓦斯、電價e5價數,m7但無落顚倒起一下khah有咧。這是啥物政府?世間那有chit種及人民作對、ka7人民搶錢e5政府?

        中國國民黨馬英九政府十個月來e5施政,hong5感受tioh8直直徛向中國hit旁去,koh講是為tioh8台灣人好。頭一步講開放兩岸觀光,中國每工會有三千個觀光客來台灣開錢,一個月就有九萬人,一年就有百外萬個中國觀光客。結果是一個月無三兩百個,頭起先講是北京奧運會e5關係,奧運會了後講是真濟中國人有意願beh來台灣觀光,可惜中國政府無beh放人,害一寡期待大批中國觀光客來台灣才落去投資設施e5旅館業、遊覽巴士業業主了kah褪褲。

  續落去講兩岸航空若直航,中國觀光客就真方便來台灣觀光,直航e5結果是台灣飛去中國e5班機捷捷客滿,中國飛來台灣e5飛機無幾個人客。就是講兩岸飛機直飛以後,是大量台灣觀光客溢去中國開錢,中國觀光客真少人來台灣。到底飛機直飛以後對to2一邊khahkhah有利,連小學生ma7看有。

  馬英九政府講beh及中國簽一個啥物「洗拍」(CEPAkoh khahe5經濟安排),那像二00四年中國中央政府及香港特區簽e5,兩旁完全無關稅、擴大服務貿易市場進入、實施投資便利化。台灣真濟人反對講he是中央及特區簽e5約,馬英九政府就放風聲講m7beh簽「洗拍」(CEPA),是另外一種「洗腳」(CECA綜合性經濟合作協議),反對e5聲音ma7是無斷。馬英九政府就緊koh講無beh簽「洗腳」,是beh簽「會koh發」(ECFA,兩岸經濟合作架構協議)

  咱佇chiatioh8馬英九政府是步步看中國e5「頭面」teh做代誌。走beh出中國畫e5個箍仔:第一是三月初五中國國務院總理溫家寶佇全國人代開幕式講e5話,伊講願意透過協商、及台灣達成和平協議,beh推展簽定綜合性經濟合作協議,伊咒詛講:「beh實現祖國統一。」第二是中國官員講e5:「雙方tioh8建立一個類似CECA,有CEPA之實,無CEPA之名e5協議。」

台灣俗語話罵一隻戇狗歹狗:「豬肚咬出去,草鞋咬入來。」看che十個月中國國民黨馬英九政府e5執政,你敢be7怨歎,咱台灣人是做啥物歹失德,那會飼tioh8 chit種戇狗歹狗!

 
< 前一個   下一個 >