首頁 arrow 綠色短評 arrow 中國國民黨攏是假的!

中國國民黨攏是假的! PDF Print E-mail
Written by 李南衡   
Monday, 17 September 2018
 2007年十一月,中國國民黨總統候選人馬英九,ùi屏東鵝鑾鼻出發騎自轉車向北行,作伊「青春鐵馬向前行」的「LONG STAY」,tio̍h是佇一個庄頭一個庄頭tòa一暝,來貼近基層民眾,想beh佇總統選戰掀起一波的高潮。一位庄腳阿伯m̄-bat英語,問講是按怎馬英九beh做「攏是假的」代誌?聽tio̍h的人攏感覺真好笑。有一位庄腳博的講,阿伯講的mā m̄是無道理,佇一個所在睏一暝明明是搵豆油,那會使講是「LONG STAY」(長期tòa)咧?有影「攏是假的」!

Hit位庄腳阿伯無意中煞講出中國國民黨的本質。騙了知滋味,2011年十一月,中國國民黨總統候選人馬英九拚連任,koh來一遍「LONG STAY」,chit遍ùi台中出發。有人講,中國國民黨的總統chhōa頭作假,「大狗peh牆,細狗趁樣。」錯了,事實上是歸個中國國民黨爛了了,攏是假的。  

 為tio̍h拚公投縛大選,中國國民黨tī八月底去中選會送交「反空污」、「反核食」、「反深澳電廠」三個公投提案。八月三十一新聞報導,中選會清查發現,三案連署書有相當的無正常,第一階段連署中,有早tio̍h死去的民眾跳出來參加連署。中國國民黨立委、mā是今年中國國民黨台中市長候選人盧秀燕所提的「反空污」案,第一階段出現早tio̍h死去的人有72個,前台北市長、mā是中國國民黨副主席郝龍斌所提的「反核食」案,早tio̍h死去的人有165個,中國國民黨立法委員林德福所提的「反深澳電廠」案,早tio̍h死去的人有113個。另外一件中國國民黨立法委員曾銘宗所提出的「反空杇」公投案,第一階段連署書七千外份中早tio̍h死去的人有78個。中選會決定送戶政事務所依法查對。  

 九月初八新聞報導,中國國民黨發言人洪孟楷表示,「公投法規定非常明確,主管機關也就是中選會,對查對連署人名冊,tio̍h是根據戶政單位資料處理,並無權利對公投個案講東講西。Taⁿ針對中國國民黨提出的三項公投連署,tio̍h是想beh用政治影響法治,那像真濟人對中選會想beh變相助選的指控。」中國國民黨假kah傷無款hông掠包,煞見笑轉受氣,有影是「賊khah惡人」!   

九月初中選會表示,koh發現中國國民黨「反空污」、「反核食」、「反深澳電廠」三個公投連署書,新竹、台南「死人連署」的比率超過2%,而且有部分戶政事務所查對有六成抄寫、m̄是一個一個本親身簽寫的,每冊五十份干單有五種字跡。中選會表示,chiah-ê情形最後若查證確實是做假的,m̄-nā連署書無效,偽造人牽涉tio̍h「刑法」偽造公文書犯罪行為,上重會tàng處七年徒刑。  

 「中國國民黨攏是假的」chit句話是真的,m̄是假的!  
 
< Prev   Next >