首頁 arrow 綠色短評 arrow 中國國民黨會tàng造假kah chiah呢 bē見笑!

中國國民黨會tàng造假kah chiah呢 bē見笑! PDF Print E-mail
Written by 李南衡   
Wednesday, 26 September 2018

九月十七,中國國國民黨高雄市長參選人韓國瑜,kah中國國民黨籍的高雄市議會前議長許崑源,出席高雄市議員參選人鍾易仲的競選總部成立大會,許崑源講,根據一份由民間委託學術單位成功大學所做的民調顯示,韓國瑜kah民進黨市長參選人陳其邁兩人的支持度出現死亡交叉,韓國瑜的支持度已經超越陳其邁,雖然領先的支持度干單1%看會出來末來猶會擴大領先的幅度。韓國瑜接受電台訪問的時講,「領先tio̍h愛謙卑」,而且尊重對手的發言。伊講,chit-ê結果符合伊過去強調的,「是一場五五波的選舉」,chit-ê民調是成大所作的,有相當程度的公信力。

第二工、九月十八,成功大學發表聲明澄清講in無做高雄市長參選人相關的民調。成大主任秘書李俊璋指出,九月十六有媒體報chi̍t-ê民調的結果,校方經過昨昏歸工查證並無chit份民調,今仔日特別發表聲明澄清。許崑源hō͘人掠包,會失禮tio̍h好,伊死鴨仔硬嘴pe,下晡出面說明講,消息來源是一位親綠的朋友私下委託「成大的老師」所做的民調。伊看tio̍h結果真歡喜、mā想beh kah支持者分享才會講出來。成大隨時表示,針對外界民間單位委託成大民調中心進行「高雄市長選舉乙事」經過內部查證,事實上in雖然有部分教師組成「調查統計研究中心」,但是該中心並無接受委託進行相關的民意調查,mā m̄-bat\發表啥物民調統計結果。民進黨高雄青連線幾名市議員參選人下晡去高雄市選委會遞交檢舉函,檢舉韓國瑜、許崑源涉嫌發布假民調、假新聞。許崑源氣phu̍t-phu̍t講按呢檢舉有夠無聊,beh告作你緊去告!   

九月十九,高雄市議會議長康裕成chhōa議會民進黨團佇議會向韓國瑜喝聲講,假消息已經hō͘今年選舉成作操弄市民的選舉,hō͘人誠痛心,呼籲韓國瑜選舉tio̍h行正路,m̄-thang舞chit號假消息,m̄-thang烏白瞞騙高雄市民,m̄-thang hō͘假民調誤導kah連家己都teh暗爽。要求伊應該為tio̍h贏1%的假民調向高雄市民會失禮。韓國瑜回應講,民進黨叫伊會失禮差不多beh一百遍ah,那像夯一枝電蠓仔棒(pāng)、看tio̍h伊提出政策tio̍h beh kā電!   

針對外界質疑韓國瑜陣營民調造假,要求韓國瑜會失禮。九月十九,中國國民黨主席吳敦義去高雄主持國民黨行動中常會,會前伊講bē-tàng隨便講人造假,顚倒是民進黨政府造假造上濟,上蓋假的是蔡英文。你看,出chit款中國國民黨市長參選人toh真害ah,koh出chit款中國國民黨主席,中國國民黨作假會tàng假kah chiah呢bē見笑!老實講,中國國民黨會使包起來ah!
 
< Prev   Next >