首頁 arrow 綠色短評 arrow 中國國民黨串講hit號無e5!

中國國民黨串講hit號無e5! PDF 列印 E-mail
2009/05/03, Sunday
        前兩工及一位外國朋友去台北美術館參觀了後,chhoa7伊去淡水新店線e5圓山仔捷運站坐車。過中山北路行酒泉街e5時,伊問講左旁當tehe5建築物是啥?我說明原本是「中山足球場」,掠機會趕緊作國民外交,介紹明年(2010)十一月初四到後年(2011) 四月二五e5「台北國際花卉博覽會」,chia是「花卉區」,歡迎來參觀。我看tioh8路邊二一號及二0八號公車牌站名是「中山足球場」猶未改。明明都真久無人佇hia踢腳球,而且歸e5建築物ma7teh拆掉,是按怎無beh緊改一個站名作「台北美術館」抑是啥物咧?

        Koh khahe5是,Ui3大直坐公車去中山北路e5方向,過大直高中e5下一站名叫作「語文中心」,牆仔內除了樹草以外並無半間建物,那會叫作語文中心?原來真久以前e5一九五二年,國防部佇chia設立一間「軍官外語訓練班」,培訓軍事外語人才,六六年正式成立「國防語文學校」,除了培訓英語人才以外ma7培訓俄、西、法、德、韓、泰及日文人才。六九年改屬政工幹校(政戰學校e5前身),改名作「國防部語文訓練中心」。八四年改屬三軍大學(國防大學e5前身),九一年改制叫作「國防語文學校」直屬國防部,一九九九年七月初一裁撤「國防語文學校」,去政戰學校成立「國軍語文訓練中心」。也就是講十幾冬前chia就無啥物「語文中心」。真奇怪,無e5tang3講十幾年猶講beh倦!

  Koh khah奇怪e5是,蔣介石chhoa7走路來台灣,心內真數念中國美好e5山河,命令將台北市e5街路名,套用中國東南西北大城市e5名,閒閒罔坐車ui3南京東路旋去北平路,ui3廣州街免一點鐘就來到吉林路,那像佇中國遨來遨去實在足過癮咧!過癮過頭,連中國都無人講e5地名「迪化」ma7 kang5 theh8來用。千不該萬不該,連蒙古ma7併入中國版圖,首都Ulan Batorma7 kang5用全世界無人知影、早前中國人kang5e5漢字名「庫倫」來作街名!

  中國國民黨政府講根據「開羅會議」,第二次世界大戰結朿,台灣tioh8hou7中華民國。騙台灣人騙中國人騙全世界e5人幾十年,等咱看原始資料才知中國國民黨是講hit號無e5。現此時馬政府國安會秘書長蘇起ti7二000年四月發明e5「九二共識」,是講一九九二年辜汪會談e5時,雙方有共識,就是「一個中國,各自表述」,ma7是無e5一直講一直講,講kah那像有e5。無管當時e5當事者海基會辜振甫董事長及當時e5李登輝總統攏否認有chit層代誌,不過,中國國民黨就是愛按呢,串講一寡無e5Khah悲哀e5是連in雙生仔兄弟-中國共產黨,ma7及中國國民黨講參落,講一寡hit號無e5代誌!

 
 
< 前一個   下一個 >