首頁 arrow 綠色短評 arrow 小丑仔去參加「國共論壇」,好笑!

小丑仔去參加「國共論壇」,好笑! PDF Print E-mail
Written by 李南衡   
Friday, 10 July 2009
        真無簡單,經過阿輝前總統想出「特殊國及國e5關係」,beh及中國切斷ki2-li2-ko7-lo5 e5關係,koh經過阿扁前總統「一旁一國」e5主張,主要目的就是beh講台灣及中國e5關係是「一人一家代,公媽隨人chhai7。」

       

        2004年總統大選選輸,連戰走去中國哭死賴in老大,講中國國民黨beh「連共(中國共產黨)滅台」。Che是足可惡e5代誌,那像有兩兄弟冤家,拍輸e5 hit-e5就去隔壁chhoe7烏道e5老大,請伊來in兜拍人,算是一種報仇、ma7算是一種教示。上夭壽e5一點是,beh向世間人宣佈「國共內戰」猶未結束,兩旁猶koh teh刣猶koh teh談。也就是先ka5兩岸e5關係「國共化」,才koh ka7「兩岸關係國內化」,beh hou7台灣永遠be7超生。

        中國一向是「以黨領政」,黨指導政,政服從黨。原本中國國民黨去參加「國共論壇」e5干單黨官nia7-nia7,馬英九作總統了後真緊就恢復黨國不分e5「黨國體制」,公然「譤請」政府官員去參加。像chit遍七月十一開始佇中國湖南長沙舉行e5「國共論壇」,就有「邀請」咱台灣e5政府官員,包括教育部次長呂木琳、文建會副主委張譽騰、新聞局副局長許秋煌。記者問教育部次長呂木琳beh談啥物議題,伊應講:無啥清楚,Tioh8問中國國民黨才會知。

  按呢,中國共產黨猶be7滿足,希望一向主張台灣獨立e5民進黨ma7tang3有人去參加。借問一下,「國共論壇」及民進黨有啥關係?無,一點仔都無!

        Chit遍中國共產黨邀請民進黨籍前農委會主委范振宗,及民進黨籍前立委許榮淑去參加「國共論壇」。七月初七,民進黨十八縣市黨部主委緊急連署,要求黨中央禁止chit兩人去參加。中執委意見一致,反對民進黨員去參加,黨主席蔡英文ma7裁示,現任及卸任黨公職人員禁止參與「國共論壇」,無則beh以黨紀處分。許榮淑氣憤回應講:「Beh處罸就處罸,你ka5開除ah!有影是笑話!」

        「國共論壇」中國國民黨及中國共產黨按怎論按怎彈,及你許榮淑啥關係?你若m7bat作過立法委員e5民進黨黨員,共產仔敢會邀請你去?佇共產仔e5心目中,佇in chit場「國共論壇」頂面,許榮淑連一子仔棋子都m7是。Ah無,伊算是啥?

        真濟戲為tioh8 beh增加戲劇效果及趣味,定定會佇戲齣內底插一個小丑仔。導演m7但會ka7伊裝siau2-e5ma7要求伊家己teN3 khongsiau2。唯一e5用意就是beh hong5感覺真好笑。咱看tioh8許榮淑那像一個小丑仔,直直欲pehli2「國共論壇」hit-e5戲棚頂。雖然m7是一個笑話,不過真好笑!

Last Updated ( Friday, 10 July 2009 )
 
< Prev   Next >