首頁 arrow 綠色短評 arrow 原來馬英九及咱無仝國!

原來馬英九及咱無仝國! PDF 列印 E-mail
發表者 李南衡   
2009/08/21, Friday
        舊年台灣總統大選e5時,馬英九講伊死去燒作骨頭灰ma7是台灣人。害真濟戇百姓聽kah足感動,想講伊是及咱台灣人仝一國e5ka7tng3 hou7伊高票當選總統。         才過一年nia7-nia7,八八水災一下來,伊m7知救災是政府e5責任,無親像十冬前九二一大地動李前總統ti7一點鐘內命令全國軍人投入救災,顚倒講tioh8照程序申請,m7發佈「緊急命令」,救災亂操操,九二一大地動李前總統接受國際救援,第一工就有二四國六百三十人拼來到台灣投入救災,馬英九e5外交部是婉謝各國救援物資及救援團體。馬英九那有ka7災民看作家己e5人?

  我專工去尋八月十三,馬英九佇旗山接受英國獨立電視網ITN專訪e5錄影帶來看,記者問講:「台灣chit遍風災e5準備是m7是應該koh khah充分才tioh8?」馬英九應講:「m7是。是因為chit-e5地區chiah濟年來第一遍按呢,致使in無充分準備,假使若早有準備,應該會koh khah早撤離,inkan-a2 beh 死守佇家園,in m7知災難會chiah呢慘重。」馬英九聲聲句句攏是用英語講「they」就是咱台灣話「in」。講tioh8災民,對外國記者講「in」、「in」、「in」。莫怪有一個電視台問講:若是災民是「in」,借問「阮」是啥人?

  佇社會學內底有兩個相對e5名詞:「阮chit群」(we-group)及「in hit群」(they-group)ma7有人講作是「內群體」及「外群體」。Che若像囝仔teh sng2 e5時陣分作「阮chit國」及「in hit國」。Che是照人e5歸屬感對社會群體所作e5一種劃分。「阮chit群」是指一個人經常參與e5、生活e5、佇hia做工課抑是其他活動e5一群人。相對「阮chit群」以外e5攏是「in hit群」,che就是「阮」及「ine5差別,個人會對「阮chit群」肯定、忠誠及合作,會對「in hit群」排斥及疏遠。Cheui3上細e5家庭阮兜開始、阮親族、阮鄉里、阮部落,抑是阮族、阮縣,一直到阮國。咱看政治人物佇競選e5時,為tioh8 beh ka7聽伊演講e5giu2做夥,in上愛講e5一句話是「咱」按怎按怎,伊絕對be7講「阮」按怎按怎,koh khah m7敢講「lin」按怎,講tioh8伊競爭對手抑是敵人,才會講「in」按怎按怎,表示「in」及「咱」無相siang5

  馬英九ti7八月十八中英文記者會猶koh teh講「撤離」,「經過chit遍風災,真濟人攏得tioh8教訓,相信未來e5配合度會khah好。」馬英九若有ka7災民看作家己e5同胞,一定會ka7外國人講「阮災民」按怎、ka7台灣人講「咱」得tioh8教訓。馬英九心目中e5災民明明是別人、是比伊khah低一等e5別國人。

 
< 前一個   下一個 >