首頁 arrow 綠色短評 arrow 應該掠孟子來起訴!

應該掠孟子來起訴! PDF 列印 E-mail
發表者 李南衡   
2009/09/25, Friday
        佇大台北地區e5公車及捷運頂頭攏有博愛座,驚有人m7識字,攏koh有圖樣,畫老人、有身大腹肚、chhoa7囝仔e5人等,希望身體健全e5少年囝仔、青年、壯年、中年人會曉主動讓位。有時khah好心e5公車司機看tioh8老人、有身e抑是chhoa7囝仔e5婦人人上車,會廣播拜託旅客讓位。雖然「博愛座」無強制性e5無約束力,但是無論佇公車抑是捷運頂頭,咱定定會看tioh8有良心e5人,特別是青少年及學生,in歸氣徛leh hou7博愛座空leh

        九月十七新聞報導,台北客運司機鍾元寶ho7板橋檢方提出起訴,理由是伊犯tioh8公然侮辱罪。Chit件代誌tioh8 ui3頭講起:七月初一下晡五點,鍾元寶駛三一0公車行到板橋市中山國中站e5時,車頂有一位老人及一位婦女起爭執,原來是hit位老人無位thang坐,希望坐佇博愛座e5婦女讓伊坐,hit位婦女干干m7讓位。公車司機鍾先生看旅客按呢相嚷m7是辦法,而且煩惱老人無坐lehkhah危險,好心去ka7 in排解,拜託hit位婦女讓位。Hit位婦女堅持m7讓位就是m7讓位,鍾先生無法伊只好翻身beh去駛車e5時,可能是be7堪得受氣,罵一句:「那猙牲咧!」按呢be7ahhit位婦女去板橋地方法院控告鍾先生公然侮辱。檢方ma7希望和解,苦勸hit位婦女mai3提出告訴,總是hit位婦女真堅持,所以最後檢方認定「猙牲」是貶低人e5人格,才會依公然侮辱罪ka7伊起訴。鍾先生「公親變事主」,實在有夠衰!

  Hit位檢察官應該是中國古早冊讀無夠濟,無親像台北地方法院法官蔡守訓hiah呢有學問,無管beh判你有罪抑是無罪,攏有法度ui3中國古早冊內底去chhoe7 tioh8適合伊用e5字句抑是故事。提醒hit位檢察官,中國第二名e5聖人hong5稱作「亞聖」e5孟子講,惻隱之心、羞惡之心、辭讓之心、是非之心,是每一個人生出來就有e5。伊講,無憐憫人疼惜人e5e5,對家己bai2 e5無感覺見笑、對別人做m7 tioh8 e5無感覺討厭e5心,無謙順讓人e5心,be7曉分別tioh8m7-tioh8 e5心,chit幾種攏「非人也」,講白就是「m7是人」,「m7是人」到底是啥?敢m7是「猙牲」?

  仝chit日九月十七,世界有名e5《經濟學人》雜誌,刊登一篇文章講:掠台灣前總統來審判是未曾有e5,審判有缺失是一件「shamee5代誌。英文「shamee5意思是「可恥」、也就是「見笑代」。台北地方法院法官若m7知影按呢審判阿扁前總統是「見笑代」,ma7 be7使去告《經濟學人》雜誌侮辱in

        孟子罵一大堆「非人也」e5「猙牲」,檢察官應該掠孟子來起訴!
 
< 前一個   下一個 >