首頁 arrow 綠色短評 arrow 敢有影是「共匪仔」來囉!?

敢有影是「共匪仔」來囉!? PDF 列印 E-mail
發表者 李南衡   
2009/10/23, Friday
        台北市政府講,「二0一0台北國際花卉博覽會」是台灣第一遍正式得tioh8國際授權舉辦、是上蓋懸e5榮譽,所代表e5是園藝產業界e5技術實力,ma7是有法度籌辦大型活動e5組織能力,及提升經濟效益e5創造能力。Kohchite5花博會吸引六百萬e5觀光客,m7但會成功帶動台灣及週邊國家e5觀光旅遊業、餐飲業、園藝生技業e5新契機;Kohtang3提升台灣國際地位、聲望及能見度,hou7國際社會koh進一步認識台灣。

      雖然做會到做be7到,咱m7知,咱猶原是誠心期待台北市政府有影有能力達成chiah-e5目標。總是無管偌懸e5榮譽,偌偉大e5 目標,ma7 be7使來侵犯tioh8市民e5生存權及利益。

  新聞報導,台北市政府為tioh8明年e5花博,beh拆除佇捷運圓山仔站附近四十幾戶e5民宅。啥物理由?因為舊厝傷bai2,會hou7來參觀花博e5貴賓看了be7爽!土想ma7知,會一直住佇外觀歹看e5舊厝hit種人,一定是經濟無好,若有錢啥人be7曉翻拆起新厝?住佇chia四十幾戶民宅e5住戶,講in住七、八十年e5舊厝一旦hong5拆除,實在m7behto2位?希望市政府允准in就地重建,in建議ka7 chit條老街改建作一條有特色e5路。台北市既然有一種叫作「都市更新」e5計畫,敢be7使做一件「一兼二顧」e5好代誌?

  若是講因為厝傷歹看tioh8愛拆,理由是足無力neh!十月二一,電視新聞報導,日本電視節目「大嘴台灣食透透」主持人松田,佇網路頂面講,伊有去才起好營運三年、聽講開五億外e5「中正運動中心」泅水,內底「垃圾kah m7beh按怎才好!」借問,台北市政府敢有想beh ka7「中正運動中心」拆掉?

  一九九七年台北市阿扁市長為tioh8 beh興建第十四、十五號公園,決定beh拆除一大堆台北市難得看tioh8 e5散鄉人,kap起佇路邊做生理幾十年,侵佔公家土地m7 bat納地價稅及租金e5生理人e5違章建築,hit陣起來大聲反對e5施明德及台大城鄉研究所夏鑄九教授,chitm7知人佇to2位?那會無徛出來替chit陣徛家己合法e5厝,因為花博tioh8面臨hong5拆厝e5可憐人講話咧!

  咱知,舊年中國為tioh8舉辦世運會,用各種理由拚勢拆除北京市內e5舊厝,內底有一個理由是舊厝傷bai2,會礙tioh8觀光客e5目睭。

  捷運圓山仔站附近四十幾戶因為花博,有可能會hou7台北市政府拆除e5舊厝,台北市政府beh拆除e5理由是hiah-e5舊厝傷bai2。想法做法那會及中國橫霸政府hiah呢仝款?敢有影是「共匪仔」來囉!?

 
< 前一個   下一個 >