首頁 arrow 綠色短評 arrow 愛啥物國夯啥物旗!

愛啥物國夯啥物旗! PDF Print E-mail
Written by 李南衡   
Friday, 25 December 2009
        中國海協會會長陳雲林,beh來台中kap台灣海基會會長江丙坤舉行「江陳會」e5前一天,也就是十二月二十,民進黨發動十萬人遊行,佇台中市分作「反烏箱」kap「顧飯碗」兩大隊,遊行了後兩大隊會合舉行晚會。Chit遍因為警方無亂鬧所以活動會tang3和平完成。Hou7人感動e5是無管老人囝仔、無分族群性別,佇攝氏十一點低溫之下勇敢行出來。十外萬人e5行動kap聲音,已經hou7台灣政府、中國政府,ma7 hou7全世界知影,台灣kap中國e5談判,m7in兩黨講講一下就算數,無論按怎談,一定be7 tang3侵犯tioh8台灣人民e5主權抑是犧牲tioh8台灣人民e5生存權及工作。咱tioh8特別大大阿佬是chit遍真少人kohma3-ma3 tehhit號啥物「中華民國國旗」,台灣人精神ah

        幾十年來中國國民黨政府一再教育咱,講中華民國是咱e5國名,事實上,in干單會曉牛椆內鬥牛母nia7-nia7,佇海外in根本m7敢講ma7 m7敢用「中華民國」chit-e5國名,行出台灣in叫作「台北代表處」、「台北經濟文化代表處」、「中華台北」一寡烏魯木齊e5名。美國、日本、歐洲各國、甚至中華人民共和國,攏稱呼咱是「台灣」,獨獨chit-e5政府m7敢叫家己e5名「台灣」!

  中華民國e5國旗ma7be7出去,無論參加世界性啥物比賽,用一支五e5圓箍仔koh加一粒中國國民黨徽e5旗仔,講he是咱e5「國旗」,實在是見笑代。Koh khah見笑代e5是台灣人,八年前二00一年十二月中旬,佇台北舉辦亞洲盃女子腳球賽期間,有人自動帶中華民國國旗入去beh替中華隊加油,hou7台北市中山分局e5警察阻止、甚至兩旁發生衝突,警察講:「帶國旗會損害咱e5國際形象。」hite5台北市長是馬英九。0八年十一月,中國海協會長陳雲林來台北,原本有插國旗e5所在攏liu3-liu3落來,那像一項足垃圾鬼be7見得眾e5物件,有一寡群眾夯國旗,hou7警察搶搶去,Hite5總統是馬英九。

  連中國國民黨都m7敢夯、be7 gian3e5中華民國國旗,那會換反對派e5台灣人來拍拼夯、tioh8 koh hou7警察沒收、修理咧?Chit遍內政部長江宜樺事前koh剾洗講:「當然阮ma7無希望群眾表示特別愛國。」mai3聽伊放臭屁。上讚e5chit遍大遊行,民進黨製作四千支小黨旗、台聯黨夯台聯黨旗、西藏人夯雪山獅子旗、「搶救台灣行動聯盟」等本土社團用家己設計e5台灣旗,五花十色活跳跳ma7誠鬧熱,大聲喝出:台灣中國,一旁一國。按呢m7tioh8

  「中華民國」若無人beh叫,hou7伊漸漸無聽tioh8聲;「中華民國國旗」若無人愛夯,hou7伊慢慢無看tioh8影。咱大聲喝出:愛咱e5台灣,夯咱e5旗!
 
< Prev   Next >