首頁 arrow 綠色短評 arrow 馬政府半路認老母!

馬政府半路認老母! PDF Print E-mail
Written by 李南衡   
Sunday, 03 January 2010
        兩岸金融MOU今年正月十六就開始生效,引起真濟台灣人e5驚惶。是按怎會驚惶?咱tioh8 ui3啥物是MOU講起。

        MOU是英文Memorandum of Understand頭一字字母縮拼詞,意思是:「備忘錄」,一般e5情況是雙方抑是多方協議e5備忘錄文件,見若佇國際合作正式簽約進前,攏會先簽e5一個文件,hem7是正式e5合約,若無有特別規範,是無法律效力。親像咱台灣,若及有邦交國家先簽署e5是「協定」,及無邦交國家先簽署e5文件是MOU「備忘錄」。Chit遍咱及中國簽署e5 MOU是「金融監理合作備忘錄」。

  因為chit遍及中國簽署e5 chit-e5 MOU,包括銀行、證券及保險,問題就浮出來啊。正月十六兩岸金融MOU生效了後,中國e5銀行會使來台灣設立分行。Chehong5緊張e5原因是,佇台灣所有e5銀行包括外商銀行,攏會使申請作台灣「金融聯合徵信中心」e5會員。Chit-e5聯徵中心是台灣唯一蒐集金融機構間信用資料e5機構,伊有足大bong e5徵信資料庫,內底有儲存民眾個人抑是公司及銀行來往e5貸款額度、還款狀況等資料,是各銀行放款前徵信e5重要靠山。而且咱台灣e5「金融聯合徵信中心」是世界一e5ti7二00四年佇所有參與評選e5信用報告機構中,得tioh8世界銀行綜合評比第一名;中國e5信用資料庫才teh起步建置階段,台灣佇中國e5銀行就無法度得tioh8 chiah方便可靠e5資料,兩旁並無對等。任何外國對台灣並無啥物野心,所以任何外商銀行theh8 tioh8e5資料,咱比較khah放心;中國對台灣有野心,in e5銀行若來台灣設分行,加入台灣「金融聯合徵信中心」會員,咱台灣個人抑是公司e5資料,就攏hou7 in 看了了!inm7是會ka7所得tioh8 e5資料傳轉去中國?

  政府官員講失嘴講資料會傳hou7「母國」!啥物母國?啥人e5母國?明明是半路認老母!政府官員緊辯解講,伊e5意思是hit間中國來台灣設分行e5母行,是講hit間銀行e5母國。Koh講,咱有管制e5方法,若beh傳轉去母國進前,tioh8先向「聯徵中心」申請,而且得tioh8該當事者e5同意,才會使。若違規會停止in查詢信用資料九十工。你敢會相信「聯徵中心」hiah有够力?

  台灣早前有一個三歲嬰仔,in老父留嘴鬚,致使佇路裡看若tioh8留嘴鬚e5人就叫人阿爸,才有「半路認老父」chit句俗語話。但是連三歲嬰仔ma7 be7m7 tioh8老母。人講馬政府e5智商無三歲,確實無冤枉in。足無知、足戇e5細漢嬰仔才會烏白認老母,馬政府半路認老母,看你會氣死抑be7
 
< Prev   Next >