首頁 arrow 綠色短評 arrow 馬英九猶m7知問題出佇to2!

馬英九猶m7知問題出佇to2! PDF Print E-mail
Written by 李南衡   
Saturday, 20 February 2010
        用台灣俗語話「be7曉駛船嫌溪彎」來講二十個月來e5馬英九總統,會使講是上蓋對tang5。馬總統那像一個人目睭金金人傷重、猶m7知家己破啥物病。人民對伊e5信任度及支持度,親像台灣熱天e5西北雨「直直落」。伊攏無檢討家己施政有啥缺失?方向按怎偏差?干單會曉怪東怪西。

        馬英九總統第一個怪e5,是已經hou7伊關佇看守所一年外e5阿扁前總統,講因為一直無ka7阿扁總統判刑,拖傷久,引起藍色e5支持者不滿。Chit點伊講tioh8一半nia7-nia7。一般有良心e5台灣人攏會想講阿扁前總統若有犯啥物罪,應該是證據充分才掠人,掠了就趕緊ka7起訴、判刑,hou7阿扁前總統本人及伊e5支持者攏心服口服無話講才tioh8。那有親像按呢猶m7知啥罪,先掠人去關、一關就是一年外,犯啥罪ma7kah ti-ti tu7-tu7。莫怪會hong5想講che是政治迫害!而且,講in某、in子心婦、查某子子婿攏有罪,當然ma7hong5講是beh kang5抄家滅族!做了傷歹看lah!馬總統到chit陣猶m7知,ka7阿扁前總統關愈久,伊馬總統e5信任度及支持度就會愈落。拖chiah久猶koh ka7關,每遍若應該放人,特偵組就koh發表阿扁前總統一個新e5罪名,那像無ka7阿扁前總統關kah頭毛嘴鬚白m7甘願。

  上好笑e5是藍營e5眾「名嘴」,怪講檢察總長陳聰明是害馬英九總統民調直直落e5關鍵,in tioh8借監察院e5beh ka7彈劾,迫kah陳聰明辭職。陳檢察總長辭職了後,馬總統e5民調敢有chheng3起來?無!m7-na7無,koh落,koh落一下khahe5

  台灣人對馬英九總統失望上主要e5原因,第一是馬英九競選總統所開e5支票逐張都「不渡」!經濟愈來愈bai2,失業e5人愈來愈濟,薪水愈領愈少,用腳頭uma7知影,無飯tange5台灣人那有可能信任你、支持你咧?第二大e5原因是馬總統一直向中國hit旁敧過去,中國來一個綠豆大e5官員,無認定ma7無稱呼伊「總統」,馬總統竟然笑笑a2接受講無要緊,害一寡支持伊選伊作總統e5人氣kah phui3血。早前一寡toe3蔣介石來台灣hiah-e5老芋仔,煞花去,烏及白、是及非已經be7曉分ah!第三大e5原因是馬總統事事攏想beh暗暗仔來,「美國牛肉案」、「H1N1注射案」、「會koh hoa(ECFA)案」等等,攏是明人做暗事,無beh hou7人民知影代誌e5真相,無beh hou國會監督;第四大e5原因是白賊九chhoa7頭講白賊,文武百官相爭講白賊,ka7台灣人準作戇人。

  執政二十個月,到taN馬英九m7知問題出佇to2!可憐。

Last Updated ( Saturday, 20 February 2010 )
 
< Prev   Next >