首頁 arrow 綠色短評 arrow 講叼位「藍大綠細」,是無志氣e5講法!

講叼位「藍大綠細」,是無志氣e5講法! PDF Print E-mail
Written by 李南衡   
Friday, 05 March 2010
        每遍選舉若到,定定會聽tioh8一寡「名評論家」teh分析,叼一地區是「藍大綠細」,叼一選區是「藍e5鐵票區」,我感覺真好笑。若是連綠色e5「名嘴」抑是候選人ma7 toe3人按呢講,我聽tioh8就真火toh8!咱講e5「綠e5」是ka7早前所有為台灣民主運動奮鬥、反對中國國民黨e5黨外人士攏算在內。

        借問一下,佇中國國民黨長期白色恐怖統治下面,有叼一地區抑是叼一選區m7是「藍e5」壓倒性e5大,大kah無天無良?但是,咱台灣民主運動e5前輩才無teh插伊叼一地區抑是叼一選區「藍e5khahkhah細,無法度管伊按怎買票、無才調掠伊按怎作票、koh khah無驚伊按怎掠人,干單想beh選嬴伊、拼死ma7 m7認輸,che就是氣魄,咱台灣民主運動先輩e5氣魄!

  想看mai7hit當時佇軍警特重重監視威脅下面,咱台灣e5民主運動前輩像李萬居、吳三連、郭雨新、郭源棧、許世賢、郭國基,敢m7是佇in e5選區一再高票黨選省議員?若想tioh8「藍e5」偌呢大,台灣民主運動前輩高玉樹那敢出來競選台北市長?伊拚生死當選台北市長,成作戰後第一位非中國國民黨員e5台北市長,「藍e5」偌呢大、偌呢強e5神話,伊好膽ka7拍破!

  台灣民主先輩黃信介代先放棄「萬年國會」立法委員身分,一個人拚去花蓮選立委,而且選tiau5。咱尊敬伊m7是干單因為伊「老帥東征」,koh khah是尊敬伊無teh信啥物「藍e5鐵票區」!一個選區有法度反盤抑be7,除了tioh8拍拚去經營以外,上重要是你有信心無?你有志氣無?

  現此時民進黨執政e5屏東縣、高雄市、高雄縣、台南市、台南縣、嘉義縣、雲林縣,kap chit遍三合一選舉koh嬴倒轉來e5宜蘭縣,早前叼一縣是「綠e5」鐵票區?敢m7是一票一票疊起來e5?一遍一遍選舉累積起來e5?內底有偌濟汗水、目屎kap sui2-tang-tang e5施政成績!

  舊年底三合一選舉,民進黨執政e5縣大嬴,表示選民肯定in e5施政,中國國民黨中央kap地方政府hou7選民真失望、真怨慼,所以民進黨才koh加嬴一個宜蘭縣。台東縣、基隆市kap澎湖縣,攏講是「藍大綠細」,票開出來才差一絲絲仔nia7-nia7!年初三席立委補選民進黨全嬴,攏是原本in講是「藍e5鐵票區」二月二七chit場四席立委補選,花蓮縣蕭美琴雖然落選、ma7kahsui2氣!新竹縣彭紹瑾大嬴,就是因為in無信啥物「藍e5鐵票區」!

  Beh拍嬴選戰,若koh teh想、koh teh講叼一地區抑是叼一選區是「藍大綠細」。我講伊是無志氣!
Last Updated ( Monday, 08 March 2010 )
 
< Prev   Next >