首頁 arrow 綠色短評 arrow 是會koh hoat?抑是會koh hoa?

是會koh hoat?抑是會koh hoa? PDF Print E-mail
Written by 李南衡   
Friday, 09 April 2010

        馬英九政府講tioh8那像kap中國簽ECFA是萬靈仙丹,台灣一切疑難雜症攏隨時解決,所以beh趕緊簽。問題是一般人對任何m7-bat無瞭解e5代誌,攏加減會好奇,若koh加一點仔神秘,會變作驚惶、緊張。馬政府講ECFA一定tioh8簽,m7-koh無愛好好說明清楚hou7逐個知影ECFA到底有偌濟好處、有偌濟歹處;簽落去台灣會變作按怎,無簽會變作按怎?政府有責任講hou7清楚,愈清楚愈好,人民才會tang3瞭解、進一步會tang3接受。

三月三十新聞報導講:「ECFA是啥物碗糕?北市官員干單勞工局長家己認為伊bat。」新聞內容講:台北市議員質詢,問三十位備詢e5市府官員啥人知影ECFA是啥?除了勞工局長陳業鑫因為主管業務家己認為知影,其他市政府秘書長、民政局長、各區長攏m7ECFA是啥,beh按怎期待一般老市民知影咧?

  四月初五,中天電視台舉辦一場ECFA辯論會,邀請政府主談代表、國貿局長黃志鵬,bat擔任政治大學企管所教授、現任立委賴士葆;邀請民進黨發言人莊碩漢及郭正亮,in兩位攏是留美政治學博士、ma7攏是前立委。未辯進前請擔任裁判e5十六位大學生表示看法,贊成簽ECFA e5有九位、反對e5有七位;辯論進行一半koh問一擺,贊成e5有一位、反對e5十五位;辯論結束了後koh問一擺,贊成e5五位、反對e5十位。黃國貿局長講有可能大學生無瞭解ECFA。哎呀呀呀!就是無瞭解m7才需要伊chitkap中國談判e5主談代表來講清楚,若是連伊kap政大企管所教授都講be7嬴兩位m7是學財經e5政治學者,che m7是大學生無瞭解ECFAma7 m7是正方in兩位口才無好。問題出佇in tehECFA e5時講話be7大聲,到底ECFA有偌濟內容in m7敢講抑是be7使講e5?致使in hong5tioh8問題緊閃。In m7in愈閃、愈iam7-iam7 iap-iap會愈hong5僥疑,到底有啥內幕be7見得眾?連chiah-e5大學生都聽kahbe7放心。

  上好是由各行各業來辦辯論會,立法委員hit場,邀請中國國民黨頂日講若無支持ECFA e5縣市,中央mai3發統籌分配款hou7 in hit位立委蔡正元,kap民進黨立委辯,請伊事先聲明,伊若辯輸人,伊隨時無愛領立委薪水。當然ma7會使辦大企業家kap中小企業家辯論會,做田人kap農委會官員辯論會。真理是愈辯愈明。幾場辯論會了後,hou7全國人民家己來判斷,到底「兩岸經濟合作架構協議」簽落去,是照馬政府講e5「會koh hoat」?抑是親像馬政府執政以來「八八水災」救災救kahhoa去,「美國牛肉進口」進kahhoa去,「新流感疫苗注射」注kahkoh hoa去,chit擺是m7是火ma7「會koh hoa」?

 
< Prev   Next >