首頁 arrow 綠色短評 arrow 中國落氣到全世界

中國落氣到全世界 PDF 列印 E-mail
發表者 李南衡   
2010/04/22, Thursday
        有史以來,中國第一遍舉辦世界博覽會,是偌呢有面子、偌呢光榮e5代誌!主辦城市上海,當然tioh8拚勢ka7hou7成功,若會tang3做到零缺點當然是上理想,若無,ma7 tioh8盡量做到真少失誤。

        無疑誤五月初一才beh開幕e5「上海世界博覽會」,四月十六就piak一孔虛le3-le3。由郎朗、姚明、李冰冰、成龍、劉德華等一寡「世博形象大使」,一人唱一句ka7上海世博宣傳歌《2010等你來》唱ka7鬧熱滾滾,影像隨時佇流通全世界e5You Tube」播出,無論佇中國、日本、新加坡、香港抑是台灣e5人聽tioh8攏感覺怪怪,chit首上海世博宣傳歌那會聽tioh8真熟似?好記持e5人隨時想起--來,chit首歌是日本一位會創作歌、寫歌詞、家己koh會唱e5岡本真夜(Okamoto Shinya)一九九六年e5作品,chit首歌日本原名是《照你原本按呢就好》,有人翻唱作華語,歌名叫作《不變的你就好》。Chit位才女干單講名你可能m7-bat伊,若講伊就是日本卡通影片《Chibi Maru-ko》(櫻桃小丸子)片尾歌e5作曲者,你可能會小gang7一下、才講:哦-tioh8是伊哦!

  Khah落氣e5是,有人食飽傷閒,ka72010等你來》kap《照你原本按呢就好》兩首歌合做夥鋪起佇「You Tube」頂面,koh請你聽看mai7,兩首歌有seng5抑無?你我聽了攏會大聲喝講:無seng5免錢!日本電視台e5記者,佇日本及中國各大都市街頭,放chit兩首歌hong5聽,聽了才問講:你感覺chit兩首歌敢有sio-siang5?聽了e5人攏會起愛笑,笑kah足大聲講:假若一旁是唱日語一旁是唱華語e5。若是一般老百姓無準算,咱聽專家按怎講?新加坡音樂人顏毓添詳細比較chit兩首歌以後,認定兩首歌sio siang5 e5所在有九成七,也就是講兩首歌無仝e5所在有差不多三葩。網路頂面hong5kah臭頭,主辦單位緊喝宣傳影片暫停,若無hit幾個「世博形象大使」e5形象ma7攏拍歹了了去ah

  中國啥物都beh--人、beh--人,偷be7來搶be7e5,加減模仿ma7好。問題是一個用全國人力物力拚勢tehe5「上海世界博覽會」那會使chiah無準節?「上海世界博覽會」主辦單位才ti7 四月十九kap日本作曲作詞歌手岡本真夜連絡,得tioh8e5同意,hou7 intang3使用chit首歌e5旋律。有人講二一世紀是中國e5世紀,因為中國會變作世界第一強e5國家。請想看mai7:一個無創造力e5國家、be7見笑e5國家,beh那有可能變作世界第一e5國家?

        套用今年中國主辦「上海世界博覽會」e5口號:「城市,hou7生活koh khah美好」,咱看:「世博,hou7中國koh khah落氣!」
 
< 前一個   下一個 >